Sansar News
काठमाडौँ । नेपाली कांग्रेसको केन्द्रीय समितिको बैठक आज पनि जारी छ। मंगलबारदेखि सुरु भएको बैठकमा केन्द्रीय सदस्यहरूले आ–आफ्नो धारणा राख्ने क्रम जारी रहेको केन्द्रीय सचिव कृष्णप्रसाद पौडेलले जानकारी दिए।
विहिबारको बैठकमा डा. शेखर कोइराला, मोहनबहादुर बस्नेत, देवेन्द्रराज कण्डेल, शिवप्रसाद हुमागाँइ, राजीव कोइराला, गुरू बराल र नृपबहादुर वडले आफ्नो धारणा राखेका थिए।
बैठकको प्रारम्भमा कार्यवाहक सभापति पूर्णबहादुर खड्काले पछिल्लो राजनीतिक घटनाक्रमबारे जानकारी दिएका थिए भने महामन्त्री गगनकुमार थापाले विभिन्न प्रस्ताव प्रस्तुत गरेका थिए।
बैठक आज विहान ११ बजे पार्टीको केन्द्रीय सानेमा पुनः बस्ने छ ।
वि.सं.२०८२ असोज ३१ शुक्रवार ०९:१८ मा प्रकाशित
