हामी सबैकाे संसारन्यूज

काठमाडाैँ । नेपालमा अब स्थायी लेखा नम्बर (प्यान कार्ड) लगायतका करसम्बन्धी सेवा स्थानीय तहमार्फतै प्रदान गरिने भएको छ।

आन्तरिक राजस्व विभागका अनुसार यसअघि करदाता सेवा कार्यालयहरूबाट मात्रै दिइँदै आएका प्यान कार्डका सेवा अब गाउँपालिका र नगरपालिका स्तरमै उपलब्ध हुने छन्।

हाल करदाता सेवा कार्यालयहरू खारेज भएकाले, स्थानीय तहमा सेवा सुरु नहुँदासम्मका लागि सम्बन्धित जिल्लाको कोष तथा लेखा नियन्त्रक कार्यालयबाटै प्यान कार्ड लगायतका सेवा लिने व्यवस्था मिलाइएको छ।

त्यस्तै कर भुक्तानी र कर चुक्ता प्रमाणपत्र जस्ता सेवा भने अनलाइन प्रणालीबाटै उपलब्ध हुनेछन्।

विभागका अनुसार, सेवाहरूलाई करदाताको नजिक पु¥याउने र प्रणालीलाई अझ प्रविधिमैत्री बनाउने लक्ष्यसहित यो नयाँ व्यवस्था लागू गरिएको हो।