वि.सं.२०८३ भदौ १५ सोमवार

हामी सबैकाे संसारन्यूज

एमाले नयाँ नेतृत्वमा ओली समूहको वर्चस्व, १९ पदाधिकारीमा अधिकांश विजयी

Sansar News

वि.सं.२०८२ पुस ३ बिहीवार

825

एमाले नयाँ नेतृत्वमा ओली समूहको वर्चस्व, १९ पदाधिकारीमा अधिकांश विजयी

काठमाडौं । नेकपा एमालेको नयाँ नेतृत्व चयनका लागि सम्पन्न निर्वाचनको अन्तिम मतपरिणाम सार्वजनिक भएको छ। केन्द्रीय निर्वाचन आयोगले सार्वजनिक गरेको नतिजाअनुसार १९ सदस्यीय पदाधिकारीमा अध्यक्ष केपी शर्मा ओली समूहको स्पष्ट वर्चस्व देखिएको छ।

पार्टी अध्यक्ष पदका लागि केपी शर्मा ओली र ईश्वर पोखरेलबीच प्रतिस्पर्धा भएको थियो। दुई समूहले छुट्टाछुट्टै प्यानल बनाएर निर्वाचनमा भाग लिएकोमा अधिकांश पदमा ओली प्यानलकै उम्मेदवारहरू विजयी भएका छन्। यस परिणामसँगै पार्टीभित्र ओलीको नेतृत्व अझ बलियो बनेको राजनीतिक विश्लेषकहरूको भनाइ छ।

अन्तिम मतपरिणामअनुसार पोखरेल प्यानलबाट भने सीमित पदमा मात्र सफलता हात लागेको छ। उपमहासचिव पदमा योगेश भट्टराई र उपाध्यक्ष पदमा गोकर्ण विष्ट मात्रै पोखरेल समूहबाट निर्वाचित भएका छन्। सचिव पदमा भने सबै उम्मेदवार ओली प्यानलकै विजयी भएका छन्।

निर्वाचन प्रक्रियामा देशभरबाट प्रतिनिधिहरू सहभागी भएका थिए। शान्तिपूर्ण रूपमा सम्पन्न भएको निर्वाचनले एमालेको आन्तरिक शक्ति सन्तुलन स्पष्ट रूपमा ओली पक्षमा ढल्किएको देखाएको छ। अब औपचारिक घोषणा र सपथ ग्रहणपछि नयाँ नेतृत्वले पार्टीको आगामी राजनीतिक कार्यदिशा तय गर्ने अपेक्षा गरिएको छ।