Sansar News
काठमाडौं । राष्ट्रिय स्वतन्त्र पार्टीका सभापति रवि लामिछानेका दाजु हरिशरण लामिछानेले काठमाडौं महानगरपालिकाको मेयर पदका लागि उम्मेदवारी दिने संकेत गरेका छन्।
आइतबार बिहान रवि लामिछाने र वर्तमान मेयर बालेन शाहबीच भएको सहमतिलाई सकारात्मक रूपमा लिँदै उनले आगामी स्थानीय निर्वाचनमा आफू स्वतन्त्र उम्मेदवारका रूपमा अगाडि बढ्ने सम्भावना रहेको बताएका हुन्।
हरिशरणले सार्वजनिक रूपमा भनेका छन् कि दुई भाइबीच भएको सहमतिप्रति सम्मान र खुशी व्यक्त गर्दै काठमाडौं महानगरको भावी नेतृत्वका लागि आफू तयार रहेको जानकारी दिन चाहन्छन्।
रेडियो नेपालबाट सेवा निवृत्त भइसकेका लामिछाने विगतमा भदौको ‘जेन्जी आन्दोलन’का क्रममा चर्चामा आएका थिए। सो समयमा उनले रेडियो नेपालको स्टुडियो प्रवेश गरी करिब १५ मिनेटभन्दा बढी समय राष्ट्रिय प्रसारणमार्फत आफ्ना धारणा राखेका थिए।
वि.सं.२०८२ पुस १३ आइतवार १०:५१ मा प्रकाशित
