हामी सबैकाे संसारन्यूज

काठमाडौं । नेपालको पहिलो बैंक नेपाल बैंक लिमिटेड र जुत्ता उत्पादन उद्योग श्री ब्ल्याक हर्स इण्डष्ट्रिज प्रा.लि.बीच सहकार्यसम्बन्धी सम्झौता सम्पन्न भएको छ।

सम्झौताअनुसार नेपाल बैंक लिमिटेडमा खाता रहेका ग्राहकहरू तथा बैंकमा कार्यरत कर्मचारीहरूले काठमाडौंको नागार्जुनमा अवस्थित श्री ब्ल्याक हर्स इण्डष्ट्रिज प्रा.लि.द्वारा उत्पादन तथा बिक्री गरिने ब्ल्याक हर्स ब्राण्डका विभिन्न जुत्ताहरू खरिद गर्दा बिल रकममा १० देखि २० प्रतिशतसम्म छुट प्राप्त गर्नेछन्।

सम्झौता पत्रमा २०८२ साल पौष ३० गते नेपाल बैंक लिमिटेडका तर्फबाट बजारीकरण तथा अनुसन्धान डिभिजनका प्रमुख निर्मल सुवेदी र श्री ब्ल्याक हर्स इण्डष्ट्रिज प्रा.लि.का तर्फबाट प्रबन्ध निर्देशक चिन बहादुर श्रेष्ठले हस्ताक्षर गरेका हुन्।

यस सम्झौताबाट नेपाल बैंक लिमिटेडका ग्राहकहरू तथा कर्मचारीहरूले देशभर रहेका ब्ल्याक हर्स ब्राण्डका आधिकारिक विक्रेतामार्फत सुपथ मूल्यमा जुत्ताहरू खरिद गर्न सक्ने अपेक्षा गरिएको छ।