हामी सबैकाे संसारन्यूज

काठमाडौँ । नेपाल बीमा प्राधिकरणले सार्वजनिक गरेको चालु आर्थिक वर्ष २०८२र८३ को पुस मसान्तसम्मको तथ्याङ्कअनुसार जीवन बीमा व्यवसायमा उत्साहजनक सुधार देखिएको छ। देशभर सञ्चालित १४ वटा जीवन बीमा कम्पनी र ३ वटा लघु जीवन बीमा कम्पनीहरूले दोस्रो त्रैमासिक अवधिसम्ममा कुल ९६ अर्ब ७० करोड ३४ लाख रुपैयाँ बीमाशुल्क संकलन गरेका छन्।

प्रमुख ५ कम्पनीको बजार हिस्सा आधा भन्दा बढी

बीमा व्यवसायमा नेपाल लाइफ इन्स्योरेन्सले आफ्नो बर्चस्व कायम राखेको छ। कम्पनीले ६ महिनामा कुल २१ अर्ब ५२ करोड ७२ लाख रुपैयाँ बीमाशुल्क संकलन गरेको छ। यो समग्र बीमा व्यवसायको २० प्रतिशतभन्दा बढी हो । यसैगरीस् नेशनल लाइफ इन्स्योरेन्सस् ८ अर्ब ९३ करोड ४२ लाख रुपैयाँ संकलन गरी दोस्रो स्थानमा रहँदा लाइफ इन्स्योरेन्स कर्पोरेशन ९नेपाल०स् ८ अर्ब ७४ करोड ७७ लाख रुपैयाँका साथ तेस्रो स्थानमा छ। त्यस्तै हिमालयन लाइफ इन्स्योरेन्सस् ६ अर्ब ८२ करोड २० लाख रुपैयाँ संकलन गर्दै चौथो स्थानमा रहँदा सूर्यज्योति लाइफ इन्स्योरेन्सस् ५ अर्ब ६६ करोड ६५ लाख रुपैयाँ सहित उत्कृष्ट पाँचमा पर्न सफल भएको छ।

प्रदेशगत विश्लेषणस् बागमती प्रदेश अगाडि

प्रादेशिक आधारमा हेर्दा बीमाको पहुँच अझै पनि बागमती प्रदेशमा सबैभन्दा बढी देखिएको छ।
बागमती प्रदेशबाट कुल ४२ अर्ब ६४ करोड ४४ लाख रुपैयाँ बीमाशुल्क संकलन भएको छ, जुन कुल व्यवसायको ठूलो हिस्सा हो । कोशी प्रदेशबाट ११ अर्ब ५३ करोड ९ लाख रुपैयाँ संकलन भएको छ । कर्णाली प्रदेशभने बीमाको पहुँच सबैभन्दा कम भएको पाइएको छ । यस प्रदेशबाट ३ अर्ब १३ करोड ११ लाख रुपैयाँ मात्र संकलन भएको देखिन्छ।

लघु बीमा र वैदेशिक रोजगारको अवस्था

तथ्याङ् अनुसार तल्लो तहका नागरिकसम्म पुग्ने उद्देश्यले सुरु गरिएको लघु जीवन बीमातर्फ पनि आकर्षण बढेको छ। तीनवटा लघु जीवन बीमा कम्पनीहरूले पुस मसान्तसम्म १ अर्ब ६२ करोड १७ लाख रुपैयाँ कुल बीमाशुल्क संकलन गरेका छन्।

यस्तै, वैदेशिक रोजगारीमा जाने नेपालीहरूका लागि अनिवार्य गरिएको वैदेशिक रोजगार म्यादी जीवन बीमाबाट मात्रै यो अवधिमा ९७ करोड ६ लाख रुपैयाँ संकलन भएको छ। यसबाट ६ महिनामा ६ लाख २ हजार ९ सय २२ वटा बीमालेख जारी भएका छन्।

बीमालेखको संख्या र सक्रियता

हाल देशभर कुल सक्रिय बीमालेखको संख्या १ करोड ३८ लाख ५० हजार ९ सय १६ पुगेको छ। यसमध्ये सावधिक जीवन बीमा ९४१ लाख ४१ हजार ८ सय ६७० र म्यादी जीवन बीमाको संख्या उच्च रहेको बीमा कम्पनीहरुको तथ्याङ्कले देखाउँछ।