हामी सबैकाे संसारन्यूज

काठमाडौँ । युवावस्थाको प्रेम, भावना र हृदयस्पर्शी गीत “उड्यो बादल” को म्यूजिक भिडीयो ‘भ्यालेन्टाइन डे’ का अवसरमा सार्वजनिक भएको छ ।

सञ्चारकर्मी किशोर कुमार सेढाईको स्वरमा भएको यो गीत स्वदेश फाउन्डेसन नेपालको प्रस्तुतिमा तयार भएको हो । विशाल मिलन बैज्ञानिक योग काठमाडौँमा शनिबार आयोजना भएको एक कार्यक्रमका बिच प्रमुख अतिथि डा दीपक आचार्यबाट गीत सार्वजनिक भएको थियो ।
नयाँपुस्ताका दर्शक तथा स्रोताको रुचिमा केन्द्रित रहेको उक्त गीतको शब्द केवली सेढाईले कोरेका हुन् । गीतमा सङ्गीत खेम राज मैनालीको र सङ्गीत संयोजक जीवन राईले गरेका छन् । सो गीतको भिडियोलाई राज कुमार दर्जीले निर्देशन गरेका हुन् । भिडियोमा दर्जी सँगै सुस्मिता कार्की, किशोर सेढाई,शिवहरि खनाल, ईस्वरा पाण्डेको अभिनय रहेको छ ।

गायक किशोर सेढाई अफिसियल युट्युबमार्फत मार्फत सार्वजनिक भएको यो गीतको छायांकन लक्ष्मण अधिकारी र कोरियोग्राफी वन्दना थापाले गरेकी हुन् । काार्यक्रममा समाजका लब्ध प्रतिष्ठित ब्यक्तिहरुको उपस्थिति र शुभकामना मंतबय रहेको थियो ।