हामी सबैकाे संसारन्यूज

पोखरा । सिटिजन लाइफ इन्स्याेरेन्स ले एमडीआरटी २०२६ सम्मान तथा प्रशिक्षण कार्यक्रम सफलतापूर्वक सम्पन्न गरेको छ। कार्यक्रम २०८२ साल फागुन ५ देखि ७ गतेसम्म हाेटल पाेखरा ग्राण्डमा दुई रात तीन दिनसम्म आयोजना गरिएको थियो।

कार्यक्रममा ७० जना सिटिजन लिडरलाई सम्मान गरिएको थियो। जसमा ६७ जना एमडीआरटी, २ जना सिओटी तथा १ जना टिओटी क्वालिफायर रहेका थिए। साथै सिनियर एजेन्सी म्यानेजर, उत्कृष्ट शाखा प्रमुख तथा क्षेत्रीय प्रमुखहरूको सहभागिता रहेको थियो।

उत्कृष्ट कार्यसम्पादन गर्ने लिडरहरूलाई सम्मान गर्नु र आगामी व्यवसायिक रणनीतिबारे प्रशिक्षण तथा छलफल गर्नु कार्यक्रमको मुख्य उद्देश्य रहेको कम्पनीले जनाएको छ। “प्रगतिशील जीवनको रहस्य” विषयमा प्रख्यात सेल्स प्रशिक्षक तथा प्रेरक वक्ता डा. रबिन कटवाल ले विशेष प्रशिक्षण दिनुभएको थियो।

कार्यक्रममा कम्पनीका उच्च पदाधिकारीहरूले व्यवसायिक लक्ष्य, रणनीति र नेतृत्व विकाससम्बन्धी प्रस्तुति दिएका थिए। साथै ब्राण्ड एम्बेसडरहरू मदनकृष्ण श्रेष्ठ र हरिवंश आचार्य को विशेष उपस्थितिले कार्यक्रमलाई थप आकर्षक बनाएको थियो।

समापन समारोहमा प्रमुख कार्यकारी अधिकृतले सिटिजन लिडरहरूको समर्पण र उत्कृष्ट कार्यसम्पादन नै कम्पनीको सफलताको आधार भएको उल्लेख गर्दै आगामी दिनमा अझ उच्च उपलब्धि हासिल गर्ने विश्वास व्यक्त गर्नुभएको थियो।

कम्पनीका अनुसार कार्यक्रम पूर्ण रूपमा सफल रहनुका साथै यस्ता गतिविधिले व्यवसाय विस्तार र नेतृत्व क्षमताको विकासमा महत्वपूर्ण टेवा पुग्ने विश्वास गरिएको छ।