हामी सबैकाे संसारन्यूज

काठमाडौं । Daraz Nepal ले आफ्ना ग्राहकका लागि ‘द रियल सेल’ अभियान सार्वजनिक गरेको छ। कम्पनीका अनुसार उक्त सेल चैत १ (मार्च १५) बेलुका ८ बजेदेखि सुरु भई चैत ६ (मार्च २०) सम्म सञ्चालन हुनेछ।

कम्पनीले यो अवधिमा विभिन्न सामानमा ६० प्रतिशतसम्म छुट, छनोट गरिएका सामानमा निःशुल्क डेलिभरी तथा करिब ६३ लाख रुपैयाँ बराबरका भौचर उपलब्ध गराइने जनाएको छ।

सेल अन्तर्गत विभिन्न साझेदार ब्रान्डबाट विशेष छुट पनि दिइनेछ। प्लेटिनम पार्टनर Church & Dwight र Rohto Pharmaceutical का उत्पादनमा ४४ प्रतिशतसम्म छुट, गोल्ड पार्टनर Brandhouse का उत्पादनमा ६० प्रतिशतसम्म छुट तथा सिल्भर पार्टनर Nike का उत्पादनमा ५० प्रतिशतसम्म छुट उपलब्ध हुने बताइएको छ।

यस सेलमा ‘Best Price’ ट्याग भएका सामानमा ग्राहकलाई ‘२ गुणा मूल्य फरक फिर्ता’ सुविधा पनि दिइनेछ। यदि ग्राहकले सोही सामान नेपालका अन्य अनलाइन प्लेटफर्ममा सस्तो मूल्यमा फेला पारेमा कम्पनीले मूल्य फरकको दोब्बर रकम फिर्ता गर्ने जनाएको छ।

सेल अवधिभर ग्राहकले स्वास्थ्य तथा सौन्दर्य सामग्री, फेसन, अडियो तथा वेयरेबल्स, फर्निचर, घर सजावट लगायत विभिन्न श्रेणीका सामानमा आकर्षक अफर पाउने कम्पनीले जनाएको छ।

सन् २०१५ मा स्थापना भएको Daraz Group दक्षिण एशियाको अग्रणी ई–कमर्स प्लेटफर्ममध्ये एक हो। यसको सञ्चालन नेपालसहित पाकिस्तान, बंगलादेश, श्रीलंका र म्यानमारमा रहेको छ।