हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा) का सभापति रवि लामिछानेले प्रतिनिधिसभाको रोस्ट्रमबाट दलित समुदायसँग माफी मागेका छन्।

बिहीबारको पहिलो बैठकमा सम्बोधन गर्दै उनले सदियौँदेखिको अन्यायको लागि हात जोडेर माफी मागेका थिए।

“गल्ती भयो कि भएन भनेर अन्योल हुँदा खगेन्द्र सुनारले माफी मागे। तर के खगेन्द्रमाथि सदियौँदेखि अन्याय हुँदा हामीले माफी माग्यौँ?” लामिछानेले भने।

“यो देशको दलित समुदायलाई मैले आज केही भन्नु छ। यो सरकार शताब्दियौँदेखि विभेद, अन्याय र अत्याचारको माफी माग्दैछ, त्यो पनि सदनबाट।” उनले थपे, “आजसम्म दलित समुदायले भोगेको विभेद अन्याय मात्र नभई संगठित अपराध हो। अब कुनै पनि नेपाली जातका आधारमा अपमानित महशुस गर्नेछैन।”