हामी सबैकाे संसारन्यूज

काठमाडौं । Prabhu Bank Limited र Fish Tail Lodge Pokhara तथा Annapurna Jagatpur Lodge Pvt. Ltd. बीच ग्राहक तथा कर्मचारीलाई लक्षित गर्दै विशेष छुट प्रदान गर्ने सम्बन्धमा समझदारीपत्रमा हस्ताक्षर गरिएको छ।

मंगलबार पोखरास्थित लेकसाइडमा आयोजित कार्यक्रममा प्रभु बैंकका तर्फबाट चिफ मार्केटिङ अफिसर दीपेन्द्र बाबु बिष्ट र होटल समूहका तर्फबाट बिक्री तथा मार्केटिङ क्लस्टर निर्देशक सनीस महर्जनले सम्झौतापत्रमा हस्ताक्षर गरी आदानप्रदान गरेका थिए।

सम्झौताअनुसार प्रभु बैंकका ग्राहक तथा कर्मचारीहरूले फिस्टेल लज पोखरा र अन्नपूर्ण जगतपुर लजमार्फत उपलब्ध आवास सेवामा विशेष संस्थागत छुट प्राप्त गर्नेछन्। साथै, खाना तथा पेय पदार्थमा १० देखि १५ प्रतिशतसम्म छुटको सुविधा उपलब्ध हुने जनाइएको छ।

यी सुविधाहरू उपभोग गर्नका लागि ग्राहक तथा कर्मचारीहरूले बैंकका डेबिट कार्ड, क्रेडिट कार्ड वा अन्य विद्युतीय भुक्तानी माध्यम प्रयोग गर्नुपर्ने व्यवस्था गरिएको छ।

प्रभु बैंकले देशभर आफ्ना ३१२ शाखा, २८५ एटीएम तथा ६८ एक्सटेन्सन काउन्टरमार्फत करिब ३६ लाखभन्दा बढी ग्राहकलाई बैंकिङ सेवा प्रदान गर्दै आएको छ। ‘विश्वास लिन्छौं, विश्वास दिन्छौं’ भन्ने मूल नारासहित बैंकले गुणस्तरीय सेवा विस्तार गर्दै अघि बढिरहेको जनाएको छ।

सम्झौताले बैंकका ग्राहकलाई थप सुविधा प्रदान गर्नुका साथै पर्यटन क्षेत्रलाई समेत प्रवर्द्धन गर्ने विश्वास लिइएको छ।