हामी सबैकाे संसारन्यूज

काठमाडौं । vivo ले नेपाली बजारमा आफ्नो नयाँ स्मार्टफोन vivo V70 सार्वजनिक गरेको छ। V सिरिजअन्तर्गत आएको यो नयाँ मोडेलले विशेषगरी पोर्ट्रेट फोटोग्राफी र टेलिफोटो क्षमतामा सुधार ल्याउँदै प्रयोगकर्तालाई व्यावसायिकस्तरको फोटो खिच्ने अनुभव दिने लक्ष्य राखेको कम्पनीले जनाएको छ।

vivo V70 को मुख्य आकर्षण यसको ५० मेगापिक्सेल ZEISS सुपर टेलिफोटो क्यामेरा हो। यो क्यामेराले टाढाबाट पनि स्पष्ट र उच्च गुणस्तरका तस्वीर खिच्न सक्षम बनाउने बताइएको छ। कम प्रकाशमा समेत राम्रो प्रदर्शन गर्ने भएकाले कन्सर्ट, स्टेज कार्यक्रम वा पोर्ट्रेट फोटोग्राफीका लागि यो उपयोगी हुने कम्पनीको दाबी छ।

यस स्मार्टफोनमा पहिलो पटक V सिरिजमै 4K 60fps भिडियो रेकर्डिङ सुविधा समावेश गरिएको छ। AI Stage Mode को सहायताले प्रयोगकर्ताले 1x देखि 20x सम्मको जुममा पनि स्पष्ट तस्बिर तथा भिडियो कैद गर्न सक्नेछन्। साथै, ZEISS Multifocal Portrait र ZEISS Style Bokeh जस्ता फिचरले पोर्ट्रेट फोटोग्राफीलाई अझ आकर्षक बनाउने उल्लेख गरिएको छ।

डिजाइनका हिसाबले पनि vivo V70 ले प्रिमियम अनुभव दिने प्रयास गरेको छ। यसमा एरोस्पेस-ग्रेड एल्युमिनियम फ्रेम प्रयोग गरिएको छ, जसले मजबुतीसँगै आकर्षक बनावट प्रदान गर्छ। फ्ल्याट डिस्प्ले र गोलाकार कुनाले फोनलाई आधुनिक र प्रयोगमैत्री बनाएको छ। यो फोन Dune Gray र Sandalwood Brown रंगमा उपलब्ध छ।

प्रदर्शनतर्फ, 1.5K Ultra Clear OLED डिस्प्ले र 120Hz रिफ्रेस रेटले स्मूथ र स्पष्ट भिजुअल अनुभव दिनेछ। 6500mAh ब्याट्री र 90W फास्ट चार्जिङ सपोर्टले लामो समयसम्म प्रयोग गर्न सहज बनाउनेछ। साथै, IP68 र IP69 स्तरको धुलो तथा पानी प्रतिरोधी क्षमता पनि यसमा समावेश गरिएको छ।

नेपालमा vivo V70 को बिक्री सुरु भइसकेको छ। यसको मूल्य १२GB/२५६GB भेरियन्टका लागि रु ८३,९९९ र १२GB/५१२GB भेरियन्टका लागि रु ९४,९९९ तोकिएको छ। यो फोन vivo का आधिकारिक स्टोर तथा Daraz मार्फत खरिद गर्न सकिनेछ।

लन्च अफरअन्तर्गत सुरुवाती ग्राहकहरूका लागि विभिन्न सुविधा पनि उपलब्ध गराइएको छ। पहिलो १,२०० ग्राहकले vivo Buds Air 3 निःशुल्क पाउनेछन् भने पहिलो २,००० ग्राहकले ६ महिनासम्मका लागि एकपटक स्क्रिन रिप्लेसमेन्ट र पानीबाट हुने क्षतिमा सुरक्षा सुविधा पाउनेछन्। साथै, चार जना भाग्यशाली ग्राहकले बम्पर पुरस्कारस्वरूप EV स्कुटर जित्ने अवसर समेत पाउनेछन्।

कम्पनीका अनुसार, ग्राहकहरूले यो स्मार्टफोन १२ महिनासम्मको ० प्रतिशत ब्याजदरमा EMI सुविधामार्फत पनि खरिद गर्न सक्नेछन्।