हामी सबैकाे संसारन्यूज

काठमाडौं । Citizens Bank International Limited ले आफ्नो १९औं वार्षिकोत्सवको अवसरमा “डिजिटल मन्थ उत्सव” अभियान सार्वजनिक गरेको छ। बैंकले डिजिटल बैंकिङ सेवाको प्रवर्द्धन गर्ने उद्देश्यले विभिन्न आकर्षक छुट तथा सुविधाहरू ल्याएको जनाएको छ।

अभियान अन्तर्गत ग्राहकहरूले डेबिट कार्डमार्फत POS तथा E-commerce कारोबार गर्दा शुल्कमा छुट पाउनेछन्। साथै, E-Com Card जारी गर्दा पनि विशेष सहुलियत प्रदान गरिनेछ। QR मार्फत भुक्तानी गर्ने ग्राहक तथा व्यवसायीहरूलाई समेत प्रोत्साहन स्वरूप विभिन्न सुविधा उपलब्ध गराइने बैंकले जनाएको छ।

त्यसैगरी, POS मेसिन जडान गर्दा, Locker सेवा प्रयोग गर्दा तथा नयाँ खाता खोल्दा पनि आकर्षक छुटको व्यवस्था गरिएको छ। Refer कार्यक्रममार्फत खाता खोल्ने ग्राहकहरूले थप लाभ लिन सक्नेछन्। अन्तर्राष्ट्रिय रेमिटेन्स सेवामा समेत सहुलियत दिइने बताइएको छ।

बैंकका अनुसार मोबाइल बैंकिङ, QR भुक्तानी तथा अन्य डिजिटल सेवाहरूको प्रयोग बढाउँदै ग्राहकलाई छिटो, सहज र सुरक्षित सेवा प्रदान गर्ने लक्ष्यका साथ उक्त अभियान सञ्चालन गरिएको हो।

यस अभियानमार्फत बैंकले नगदरहित कारोबारलाई प्रवर्द्धन गर्दै डिजिटल अर्थतन्त्रलाई सुदृढ बनाउन योगदान पुर्‍याउने विश्वास व्यक्त गरेको छ।