हामी सबैकाे संसारन्यूज

काठमाडौं । एनएमबि बैंकले अन्तर्राष्ट्रिय भुक्तानी तथा वित्तीय सेवा स्थानान्तरणमा उत्कृष्ट प्रदर्शन गरेबापत जर्मनीको प्रतिष्ठित कमर्ज बैंक एजीबाट ‘एसटीपी (Straight Through Processing) अवार्ड २०२५’ प्राप्त गरेको छ।

उक्त अवार्ड अन्तर्राष्ट्रिय बैंकिङ क्षेत्रमा उच्च मान्यता प्राप्त सम्मानका रूपमा लिइन्छ। पूर्ण रूपमा स्वचालित र सरल प्रक्रियामार्फत अन्तर्राष्ट्रिय भुक्तानी सेवा प्रदान गर्ने सीमित बैंकहरूलाई मात्र यो अवार्ड प्रदान गरिने जनाइएको छ।

यस उपलब्धिले एनएमबि बैंकको प्राविधिक दक्षता, कार्यगत अनुशासन तथा छिटो, सुरक्षित र भरपर्दो सेवा प्रदान गर्ने प्रतिबद्धतालाई थप पुष्टि गरेको बैंकले जनाएको छ।

बैंकका प्रमुख कार्यकारी अधिकृत गोविन्द घिमिरेले यो उपलब्धि ग्राहकहरूका लागि अन्तर्राष्ट्रिय बैंकिङ सेवा अझ सरल र सहज बनाउन गरिएको निरन्तर प्रयासको परिणाम भएको बताउनुभयो। उहाँले उच्च मापदण्ड कायम राख्दै छिटो र सुरक्षित सेवा प्रदान गर्न बैंक प्रतिबद्ध रहेको समेत उल्लेख गरे ।

यस उपलब्धिसँगै एनएमबि बैंक व्यापार, लगानी तथा विश्वव्यापी वित्तीय पहुँचका लागि अझ विश्वसनीय साझेदारका रूपमा स्थापित भएको छ।

हाल बैंकले देशभर १९८ शाखा, १८४ एटिएम र ९ एक्सटेन्सन काउन्टरमार्फत सेवा प्रदान गर्दै आएको छ।