हामी सबैकाे संसारन्यूज

९ असार, काठमाडौँ । फिफा कन्फेडेरशन कप अन्तरगत हिजो राति भएको खेलमा चिली र जर्मनी बराबरी खेल्दै अंक बाडेका छन् । हिजो राति रस्स्यिास्थित काजन एरेनामा भएको खेलमा यी दुई टोलीहरु एक एक गोलको बराबरीमा रोकिएका हुन् ।
खेलको छैठौ मिनेटमा चिलीका एलेक्सिस सान्चेजले गोल गर्दै चिलीलाई अग्रता दिलाएका थिए । तर खेलको ४१ औ मिनेटमा जर्मनीका स्टिन्डीले गोल गर्दै खेललाई बराबरमिा ल्याएका थिए । त्यसपछि दवै पक्षबाट गोल गर्ने राम्रा प्रयासहरु भएपनि सफल हुन् सकेन र खेल बराबरीमा सकिएको हो । बराबरी सँगै चिली समुह ४ अंक सहित समुह बी को शीर्ष स्थानमा रहेको छ । दोस्रो स्थानको जर्मनीको समान ४ अंक भएतापनि समुहको दास्रो स्थानमा रहेको छ ।

यस्तै हिजोको खेलमा गोल गरेसँगै चिलीका एलेक्सिस सान्चेज चिलीका सर्वकालीन गोलकर्ता बनेका छन् । आर्सनलका स्टार सान्चेजले चिलीको राष्ट्रिय टिमको जर्सी लगाएर ३८ गोल गरेका छन् । सान्चेजले यसअघि रहेको मार्सेलो सालसको ३७ गोलको रेकर्ड तोडेका हुन् ।