हामी सबैकाे संसारन्यूज

९ असार, काठमाडौँ । इङलिश क्लब लिभरपुलले किर्तीमानी रकममा इजिप्टियन खेलाडी मोहम्म्द सालालाई भित्राएको छ । इटलियन क्लब एस रोमाबाट व्यवसायिक फुटबल खेल्दै आएका २५ वर्षीय विङगरलाई किन्न लिभरपुलले ३५ मिलियन युरो बराबरको रकम खर्चेको हो । जुन रकम लिभरपुलले अहिलेसम्म नँया खेलाडी अनुवन्ध गर्दा तिरेको ठुलो रकम हो ।

सलाह यसअघि इङलिश क्लब चेल्सीबाट समेत व्यवसायिक फुटबल खेलेका थिए । गत सिजन एस रोमाबाट १५ गाल गर्नुको साथै ११ गोलका लागि अन्तिम पास मिलाएका थिए । निकै छिटो काउन्टर पास खेल्न माहिर प्रिमियर लिगमा प्रभाव पार्ने खेलाडीको रुपमा लिएको छ ।

ड्रिबल गर्न, बलसँग निकै छिटो कुद्ने जस्ता कारणले उनलाई लिभरपुलले किर्तीमानी रकम तिरेको हो । यसै गरी साला सबैभन्दा महँगा अफ्रिकन खेलाडी समेत बनेका छन् । उनका आगमनलेले लिभरपुलको आक्रामक लाइन थप मजबुद हुने अपेक्षा गरिएको छ ।