हामी सबैकाे संसारन्यूज

२९ साउन, एजेन्सी । स्पेनिश सुपर कप अन्र्तगतको पहिलो लेगमा स्पेनिश फुटबलका महारथी तथा कट्टर प्रतिद्वन्दी रियल म्याड्रिड र वार्सिलोना भिड्दै छन् । खेल वार्सिलोनाको घरेलु मैदानमा आज राति १ :४५ बजे हुदैँ छ । नेयमारको पिएसजीमा स्थान्तरण पछि वार्सिलोना रियल सँग भिड्न लागेको हो । प्रि सिजन टुरमा नेयमारको उत्कृष्ट प्रर्दशनको मदतमा वार्साले रियल माथि ३ – २ गोल अन्तरको जित हात पारेको थियो । आजको खेलमा नेयमारको स्थान सम्भवत डेउलेफिउले लिने छन् । आजको खेलमा वार्सालाई प्रि सिजनको नतिजालाई निरन्तरता दिदैँ आफ्नो घरेलु मैदानमा जित हासिल गर्नु पर्ने दबाबमा हुने छ । उता प्रतिद्वन्दी क्लब रियल मयाड्रिड वार्सिलोनालाई उसकै घरेलु मैदानमा हराएर प्रि सिजनमा बेहोरेको बदला लिदै पहिलो लेगमा जित निकाल्ने दाउमा हुने छ ।

रियलका लुका मोड्रिच सन् २०१४ को सुपर कपमा बेहोरको पहेलो कार्डका कारण प्रतिबन्धित हुने छन् । मोड्रिचको ठाउमा सम्भवत अर्का क्रोसिएन खेलाडी कोभाकिक वा स्पेनिश खेलाडी सेवालोस खेल्ने सम्भावना रहेको छ । आजको खेलमा स्टार फरवार्ड क्रिस्टियानो रोनाल्डो सुरुवाती एघारमा पर्ने उच्च सम्भावना रहेको छ ।