हामी सबैकाे संसारन्यूज

२२ मंसिर, काठमाडौं । विहिबार सम्पन्न भएको प्रदेशसभा र प्रतिनिधिसभा निर्वाचनमा पाल्पा जिल्लाको क्षेत्र नं १ र २ मा केही समयमा मत गणना गरिने जनाइएको छ ।
पाल्पाका सबै क्षेत्रबाट मत पेटीकाहरु संकलन गरिसकिएको छ । संकलन गरिएका मतपेटीका पुरानो पाल्पा दरबार तथा हालको जिल्ला प्रशासन कार्यालयमा राखिएको छ ।
पाल्पा क्षेत्र नं २ मा पूर्वसांसदहरु प्रतिश्प्रर्धामा छन् । नेपाली कांग्रेसका नेता तथा पूर्व सांसद् प्रतिनिधिसभा सदस्य उम्मेदवार हरि नेपाल र वाम गठबन्धनका उम्मेदवार एमाले नेता तथा पूर्वसांसद् सोम प्रसाद पाण्डे प्रतिश्प्रधामा रहेका छन् ।
त्यस्तै क्षेत्र नं मा पूर्व भूमिसुधार मन्त्री समेत रहेका नेकपा एमालेका नेता दल बहादुर राना वाम गठबन्धनका उम्मेदवार रहेका छन् भने नेपाली कांग्रेस र राप्रपा प्रजातान्त्रिकको लोकतान्त्रिक गठबन्धनबाट विजयराज घिमिरे प्रतिनिधिसभा सदस्यको उम्मेदवार रहेका छन् ।
तीन क्षेत्र नं रहेको पाल्पामा राज्य पुर्नसंरचनाका क्रममा दुई क्षेत्र निर्धारण गरिएको हो । पाल्पा जिल्लामा १ लाख ८१ हजार २५५ मतदाता रहेको जिल्ला निर्वाचन कार्यालय पाल्पाले जनाएको छ ।