हामी सबैकाे संसारन्यूज

डिस होमका प्रमुख कार्यकारी अधिकृत सुदिप आचार्यलाई सिइओ अफ द अवार्ड प्राप्त भएको छ । थाइल्याण्डको सी एस आर, थट लिडर्स, सी एमओ र स्टार ग्रुपको आयोजनामा हालै राजनधानीमा आयोजित ‘नेपाल बेष्ट ब्राण्ड अवार्ड २०१७’ मा आचार्यले उक्त अवार्ड प्राप्त गरेका हुन् ।

त्यसैगरी डिश होमले नै इमर्जिङ्ग ब्राण्ड अवार्ड प्राप्त गरेको छ । स्थापनाको छोटो समयमा नै आफ्नो सेवालाई देशको प्रमुख शहर देखि अत्यन्त ग्रामिण क्षेत्रमा समेत सहज रुपमा उपलब्ध गराउन सफल भएको भन्दै डिसहोमलाई इमर्जिङ्ग ब्राण्ड अवार्ड प्राप्त भएको हो ।

विश्वको विभिन्न देशहरुमा ब्राण्ड र यस सम्बन्धी कार्यक्रम गरि अवार्ड प्रदान गर्दै आएको सीएसआर, थट लिडर्स, सीएमओ र स्टार ग्रुपले नेपालमा पनि सो कार्यक्रम आयोजना गरेको हो । नेपालका विभिन्न कम्पनीहरुको सहभागीता रहेको उक्त कार्यक्रममा भिन्न क्षेत्रका महत्वपूर्ण व्यक्तिहरुको सहभागिता रहेको थियो

समय, प्रविधि र ग्राहकको चाहनालाई सहज रुपमा पूर्ति गर्न सक्नु, सेवाको सहज उपलब्धता सृजना गर्नु, बिक्री पछिको सेवा सस्तो र सहज हुनु तथा कम्पनी भित्रको व्यवस्थापन चुस्तदुरुस्त भएकै कारण डिसहोमलाई दुई अवार्डहरु प्राप्त भएको कम्पनीले जनाएको छ ।

डिश होमले सन् २००९ देखि नेपालमै पहिलो पटक डिजिटल स्याटेलाइट टिभिको प्रविधि भित्र्याइ सेवा शुरु गरेको छ । डिश होमले सन् २००९ देखि नेपालमै पहिलो पटक डिजिटल स्याटेलाइट टिभिको प्रविधि भित्र्याइ डिजिटल टिभि सिग्नललाई नेपालभर विस्तार गरेको छ ।