back

चिसोका कारण सप्तरीका सामुदायिक र निजी विद्यालय बन्द

वि.सं.२०७४ पुस २३ आइतवार

345 

shares
RBB AD
NTC AD

२३ पुस, राजविराज ।  पछिल्लो केही दिनयता अत्यधिक चिसोले जनजीवन थप कष्टकर बन्दै गएपछि सप्तरीका सामुदायिक विद्यालय थप चार दिनका लागि बन्द गरिएको छ ।

जिल्ला शिक्षा अधिकारी डोलराज पाण्डेले सप्तरीसहित तराईका जिल्लामा शीतलहरसँगै बढेको जाडोका कारण विद्यालय जाने बालबालिकालाई समस्या भएकाले आजदेखि चार दिनसम्मका लागि सम्पूर्ण सामुदायिक विद्यालय बन्द गर्ने निर्णय भएको बताउनुभयो । यसअघि बिहीबार र शुक्रबार दुई दिन यहाँका विद्यालय बन्द गरिएको थियो । जिल्लामा ४१२ सामुदायिक विद्यालय छन् ।
यस्तै जिल्लाका निजी विद्यालयसमेत आजदेखि तीन दिनका लागि बन्द गर्ने निर्णय गरिएको प्याब्सनका अध्यक्ष पञ्चदेव यादवले बताउनुभयो ।
सिरहाका विद्यालय माघ १ सम्म बिदा 
लहान – अत्यधिक चिसो र शीतलहर बढेपछि सिरहाका सामुदायिक विद्यालयमा बिदाको समय थप एक साता बढाइएको छ । जिल्ला शिक्षा कार्यालय सिरहामा बसेको शिक्षा समितिको बैठकले अत्यधिक चिसो बढेका कारण बालबालिका बढी प्रभावित भएकाले माघ १ गतेसम्मका लागि सामुदायिक विद्यालयमा बिदा दिने निर्णय गरेको हो ।

शिक्षा समितिले पहिलो पटक तीन दिनका लागि सामुदायिक विद्यालयमा बिदा दिने निर्णय गरे पनि मौसममा सुधार नआएकाले एक साता विद्यालयमा बिदा दिने निर्णय भएको सिरहाका जिल्ला शिक्षा अधिकारी महेन्द्र महतोले जानकारी दिनुभयो ।
केही दिनयता बढेको शीतलहर र चिसोका कारण सिरहा जिल्लाको जनजीवन कष्टकर बनेको छ ।
बाक्लो हुस्सु र चिसो हावाका कारण बस्तीमा रुघाखोकी, ज्वरो, श्वासप्रश्वास र हाडजोर्नीका बिरामी निकै बढेका छन् । सिरहा सदरमुकामस्थित जिल्ला अस्पताल, लहान अस्पताल तथा ग्रामीण भेगका सरकारी स्वास्थ्य संस्थामा अहिले बिरामीको चाप निकै बढेको जिल्ला जनस्वास्थ्य कार्यालयले जनाएको छ । दूधे बालकदेखि ६० वर्षसम्मका मानिस निमोनियालगायत प्रकोपबाट पीडित भएका छन् ।

पछिल्लो एक सातायता चिसो झनै बढेपछि सदरमुकाम र जिल्लाका अन्य बजार क्षेत्रमा चहलपहल र आवागमन निकै पातलिएको तथा सरकारी कार्यालयमा सेवाग्राहीको संख्या ह्वात्तै घटेको छ । चिसोले बिरामी परेका दैनिक करिब ४० देखि ५० जनासम्म उपचारका लागि आउने गरेको सिरहा जिल्ला अस्पतालका मेसु डा चुमनलाल दासले जानकारी दिनुभयो ।

वि.सं.२०७४ पुस २३ आइतवार ०८:१८ मा प्रकाशित

NLIC AD
NABIL bank AD
बाढी पहिरोबाट दार्जनौँ परिवार विस्थापित

बाढी पहिरोबाट दार्जनौँ परिवार विस्थापित

फुङ्लिङ (ताप्लेजुङ) । निरन्तर वर्षाका कारणले ताप्लेजुङका विभिन्न ठाउँमा गएको...

प्रतिनिधिसभा बैठक : क्याम्पस प्रमुखको हत्या घटनाबारे छानबिन गर्न सांसद्को माग

प्रतिनिधिसभा बैठक : क्याम्पस प्रमुखको हत्या घटनाबारे छानबिन गर्न सांसद्को माग

काठमाडौं । प्रतिनिधिसभाको आजको बैठकमा बाराको कैलयास्थित रामराजा मोहनविक्रम साह...

‘सानै छु, बढ्न देउ, बालविवाह होइन, पढ्न देउ’ अभियान सञ्चालन

‘सानै छु, बढ्न देउ, बालविवाह होइन, पढ्न देउ’ अभियान सञ्चालन

अत्तरिया (कैलाली) । सुदूरपश्चिम प्रदेश सरकारले आगामी आव २०८१÷८२ मा...

गत वर्षको तुलनामा मनाङमा खाद्य उत्पादनमा वृद्धि

गत वर्षको तुलनामा मनाङमा खाद्य उत्पादनमा वृद्धि

मनाङ । विकट जिल्ला मनाङमा खाद्य उत्पादनमा वृद्धि भएको छ...

बढ्यो सुनको मूल्य, कतिमा हुँदैछ कारोबार ?

बढ्यो सुनको मूल्य, कतिमा हुँदैछ कारोबार ?

काठमाडौँ । स्थानीय बजारमा पहेँलो धातुको मूल्य तोलामा रु १...

दूधमात्र होइन घाँस पनि बेचेर प्रशस्त आर्जन गर्छन् बागलुङका किसान

दूधमात्र होइन घाँस पनि बेचेर प्रशस्त आर्जन गर्छन् बागलुङका किसान

गलकोट (बागलुङ) । जिल्लाको जैमिनी नगरपालिका–१ को टुनिबोट क्षेत्रका किसान...