हामी सबैकाे संसारन्यूज

२ माघ, काठमाडौं । युवा बैज्ञानिक तथा एनआरएनए आइसीसी सदस्य राज शाहीले क्यान्सर रोगले पीडित बालिका कृष्टिना भण्डारीको उपचारका लागि आर्थिक सहयोग गरेका छन् ।
सोलिडारिटी ट्रष्टको कार्यालयमा शनिवार आयोजित रकम हस्तान्तरण कार्यक्रममा शाहीले बालिका भण्डारीको बोनम्यारो प्रत्यारोपणका लागि रु २५ हजार आर्थिक सहयोग गरेका हुन् ।
शाहीसँगै अर्का युवा प्रकाश कंडेल (मैतिदेवि) ले पनि कृष्टिनाको उपचारका लागि २ हजार रुपैयाँ आर्थिक सहयोग गरेका थिए । कंडेलले आगामी दिनमा कृष्टिनाको सहयोगका लागि लागिपर्ने बताएका थिए ।

रकम हस्तान्तरण कार्यक्रममा बालिका भण्डारीका बुवा कृष्ण भण्डारीले शाही लगायत उपचारका लागि देशविदेशबाट आर्थिक सहयोग गर्नुहुने सबैमा हार्दिक आभार तथा धन्यवाद व्यक्त गरेका थिए ।

बालिका कृष्टिनाको केही महिनापछि शिभिल अस्पताल बानेश्वरमा बोनम्यारो प्रत्यारोपण गरिने पनि बालिकाका बुबा कृष्ण भण्डारीले बताए ।