हामी सबैकाे संसारन्यूज

१८ माघ, एजेन्सी । ईङलिश क्लब आर्सनलका प्रशिक्षक आर्सेन वेङगरको आलोचना र सर्मथन दुवै हुने गर्दछ ।

सन् १९९६ देखि निरन्तर आर्सनलको वागडोर सम्हालेका वेङगर लिगेसीले आर्सनल सधै भरि चर्चाकै शिखरमा आउने गर्दछ । भलै उनले पछिल्ला समयमा क्लबबाट त्यत्ति धेरै ट्रफी त जिताएका छैनन् तर पनि उनको लिगेसी तथा स्टारडमको अगाडि आर्सनलको बोर्ड सधै भरि नतमस्तक हुने गर्दछ । फलस्वरुप यसै सिजनको सुरुमा सम्झौता सकिएका वेङगरलाई नवीकरण गर्दै उत्तरी लण्डनको क्लबले थप दुई वर्षको  थप सम्झौता दिएको थियो ।

जनवरी ट्रान्सफर सुरु हुने बित्तिकै आर्सनलको बोर्डलाई निकै ठुलो चिन्ताको विषय बनेको थियो स्टार खेलाडी एलेक्सिस सान्चेज र मेजुट ओजिलको सम्झौता नवीकरण बारे अन्योलता तर जनवरी सकिने बित्तिकै त्यो चिन्ता खुसीको विषय बनेको छ त्यसको प्रमुख कारण हुन् वेङगर । भलै एलेक्सिस सान्चेजलाई आर्सनलले क्लबमा राख्न त सकेन तर उनको सट्टामा अर्को प्रतिभावान खेलाडी पाएको छ आर्सनलले ती हुन् अर्मेनियन खेलाडी हेनरिख मिख्ति¥यान यसै विन्डोमा आर्सनलले अर्का स्टार खेलाडी अउवामियाङ लाई भित्राएको छ ।
तीनै अउवामियाङ र मिख्ति¥यानले सन् २०१३ मा बरुस्सिया डर्टमण्डमा ठुलै धमाका मच्चाएका थिए । एलेक्सिस सान्चेजको ठुलो मागले क्लबलाई आर्थिक भार पर्ने निश्चित थियो वेङगरको कुशलताले अर्का खेलाडी मेजुट ओजिललाई क्लबमा राख्न सक्ने भएको छ । सान्चेजको ठाउमा क्लबले अउवामियाङ पाएको छ । बुन्डेसलिगमा निकै राम्रो प्रभाव छोडेका अउवामियाङको खेल्ने शैली आर्सनलको खेल्ने शैलीसँग मिल्छ ।
यसै जनवरी विन्डोमा आर्सनलले ओलिभिर जिरुड, थियो वाल्कट, सान्चेज, फ्रान्सेस ककलिन जस्ता पुराना खेलाडीलाई गुमाएपनि आर्सनलले तिनको गतिलो प्रतिस्थापन पाएको छ । त्यसैले त अहिले आर्सेन वेङगर लिगेसीको चर्चा छ । फेरि एकपटक वेङगको आलोचनाको सट्टा सर्वत्र परिचर्चा हुन् थालेको छ ।