हामी सबैकाे संसारन्यूज

लेगोस, नाइजेरिया । नाइजेरियामा एक नेपालीको मृत्यु भएको छ ।
नाइजेरियाको इकोरोडु सहरस्थित रियल स्ट्रक्टर नाइजेरिया लिमिटेड स्टिल कारखानामा काम गर्ने नवलपरासी फटकी टोला, गूठी पसौनी ९ का उनेश राम चमारको कारखानामा काम गर्ने क्रममा दुर्घटनामा परि १५ फरवरीका दिन मृत्यु भएको हो ।
उनको शबलाई नेपाल पठाउन आबश्यक प्रक्रिया शुरु भइसकेको र यस सम्बन्धमा कम्पनी र नेपाल दूतावास इजिप्टसँग सम्पर्क भइरहेको जानकारी एनआरएनएका अन्तर्राष्ट्रिय समितीका कोषाध्यक्ष हिक्मत थापाले बताए ।
स्टिल प्लान्टको मेल्टिङ पट भन्ने उपकरणमा मेल्टरको प्राबिधिक रहेका चमारको तातो केमिकल पोखिएर दुर्घटनामा परेका र अस्पतालमा उपचार गर्दगर्दै मृत्य भएको जानकारी कम्पनीले दिएको छ ।