हामी सबैकाे संसारन्यूज

१० फागुन, काठमाडौँ । स्पेनिश लालिगामा रियल म्याड्रिडले शानदार जित हात पारेको छ । हिजो राति सम्पन्न खेलमा लेगानेशलाई ३ १ गोल अन्तरले हराउदै रियलले लालिगामा अर्को जित निकालेको हो । खेलको छैठौ मिनेटमा लेगानेशले गोल गर्दै अग्रता लिए पनि रियलले उत्कृष्ट कमब्याक गर्दै जित हात पारेको हो । रियलको जितमा लुकास भाज्क्वेज, क्यासिमेरो तथा सर्जियो रामोशले एक एक गोल गरे ।
हिजोको खेलमा रियलका मुख्य खेलाडीहरु रोनाल्डो, बेल, मोड्रिच, क्रुसलाई आराम दिईएको थियो ।
जित सँगै रियलको २४ खेलबाट ४८ अंक सहित तेस्रो स्थानमा उक्लेको छ । लिगमा वार्सिलोना ६२ अंक सहित शीर्ष स्थानमा रहदा, दोस्रो स्थानको एट्लेटिको म्याड्रिडको ५५ अंक रहेको छ ।