हामी सबैकाे संसारन्यूज

१७ चैत, बेँसीशहर, लमजुङ  । नेपाल राष्ट्र बैंकका गभर्नर डा चिरन्जीवी नेपालले मुलुकका सबै स्थानीय तहमा चालु आर्थिक वर्षभित्रै वित्तीय पहुँच पुग्ने बताएका छन् ।

शनिबार लमजुङको बेँसीशहरस्थित सिभिल बैंक शाखाको उद्घाटन गर्दै उनले सबै नागरिकलाई वित्तीय क्षेत्रको पहुँचमा ल्याउन आफूहरु लागिपरेको बताएका हुन् । “असार मसान्तभित्र ७५३ स्थानीय तहमा वित्तीय संस्था पुग्छन्”–गभर्नर नेपालले भने, “एउटै स्थानीय तहमा ३५ करोडसम्मको बजेट हुन्छ, र त्यसको कारोबार बैंकबाटै हुन्छ ।”

विकट तथा ग्रामीण क्षेत्रमा वित्तीय पहुँच पु¥याउन हरेक स्थानीय तहमा कम्तीमा एउटा बैंक खोल्ने नीति राष्ट्र बैंकले लिएको उनको भनाइ थियो ।

सिभिल बैंकले ५९ औँ शाखाका रुपमा बेसीशहरमा शाखा विस्तार गरेको हो । योसँगै सिभिल बैंकले लमजुङमा पाँच शाखा विस्तार गरिसकेको छ । नेपालभर बैंकको कुल ५९ शाखा रहेको जनाएको छ ।