Sansar News
१३ वैशाख, काठमाडौँ । माओवादी पूर्वजनमुक्ति सेना पार्टी नेपालले प्रधानमन्त्री केपी शर्मा ओलीसमक्ष चौधबुँदे मागसहितको ज्ञापनपत्र पेश गरेको छ ।
पार्टी अध्यक्ष रञ्जित गुरुङ नेतृत्वको प्रतिनिधिमण्डलले आज उनलाई भेटी प्रस्तुत गरेको ज्ञापनपत्रमा जनयुद्ध, दोस्रो जनआन्दोलन, मधेश, आदिवासी तथा जनजाति, महिला, मुसलमान र दलित आन्दोलनलाई संस्थागत गर्न शहीद, बेपत्ता, घाइते, अपांगलगायतलाई परिचयपत्र र निःशुल्क उपचारको व्यवस्था गर्न माग गरिएको छ ।
प्रतिनिधिमण्डलले आजै नेकपा (माओवादी केन्द्र) का अध्यक्ष पुष्पकमल दाहाल‘प्रचण्ड’ र गृहमन्त्री रामबहादुर थापासमक्ष पनि सो ज्ञापनपत्र प्रस्तुत गरेको पार्टीका महासचिव विकल्प नेपालीले बताए ।
वि.सं.२०७५ वैशाख १३ बिहीवार २०:५७ मा प्रकाशित
