हामी सबैकाे संसारन्यूज

कम गुणस्तरको अलैँची निर्यात भएको पाइएपछि गुणस्तर कायम गर्न विशेष अभियान थालनी गरिने भएको हो । अलैँचीको गुणस्तर कायम गर्न आधुनिक अलैँची भट्टी वितरण गरिएको छ । सामान्य घरयासी विधि प्रयोग गर्दा अलैँचीको गुणस्तर बिग्रनसक्ने भन्दै आधुनिक अलैँची भट्टी वितरण गरिएको स्थानीय विकास अधिकारी शेखर पौडेलले जानकारी दिनुभयो ।

जिल्लाका अलैँची पकेटक्षेत्र पसगाउँ, खुदी, बन्सार, बाँझाखेत, गौँडा, ढोडेनी, घेर्मु, भोजे र भुलभुलेका किसानलाई १० वटा आधुकिन अलैँची भट्टी वितरण गरिएको हो । नेपाल उद्योग वाणिज्य महासङ्घ नेपाल व्यापार एकिकृत रणनीति कार्यक्रमअन्तर्गत सामूहिक र व्यक्तिगत रुपमा व्यवसायिक खेती गरेका किसानलाई भट्टी वितरण गरिएको लमजुङ उद्योग वाणिज्य सङ्घका अध्यक्ष रामकुमार श्रेष्ठले बताउनुभयो ।

हाल जिल्लामा बाँझाखेत, ढोडेनी, फलेनी, इलमपोखरी, बन्सार, भूलभूले, पसगाउँ तथा भोजे लगायतका गाविसमा अलँैचीको व्यावसायिकखेती भइरहेको छ । जिल्लामा हाल गोलसायी र रामसायी जातका अलैँची उत्पादन हँुदै आएको बताइएको छ । रासस