back

अनशनरत मैनालीको स्वास्थ्य अवस्था गम्भीर

वि.सं.२०७३ असोज २० बिहीवार

138 

shares
Global IME AD
NMB Bank Limited Long Ad Banner

२० असोज सुरुङ्गा (झापा) । विभिन्न छ सूत्रीय माग राखी आठ दिनदेखि आमरण अनसनमा बस्नुभएका झापा बिर्तामोडका चैतन्यप्रकास मैनालीको स्वास्थ्य अवस्था गम्भीर बनेको छ ।

मेची अञ्चलका लागि मेडिकल कलेज आवश्यक रहेको र बिर्तामोडमा सञ्चालित बिएन्डसी हस्पिटललाई मेडिकल कलेज सञ्चालनको अनुमति दिनुपर्ने, सरकारले तोकेको मापदण्ड पूरा नगरेका र कानुनविपरीत सञ्चालनमा रहेका निजी अस्पताल, नर्सिङ होम तथा मेडिकल क्लिनिकलाई तत्काल बन्द गर्नुपर्नेलगायतका मागसहित अनसनमा बस्नुभएका मैनालीको स्वास्थ्य अवस्था बुधबारबाट गम्भीर भएको चिकित्सकले बताएका छन् ।

गत असोज १२ गतेबाट बिएन्डसी अस्पताल परिसरमा आमरण अनसनमा बस्नुभएका मैनाली आजबाट बोल्न छाड्नुभएको छ । अनसनरत मैनालीको स्वास्थ्य अवस्था एकाएक बिग्रदै गएपछि स्वास्थ्य शिक्षा नागरिक सरोकार समाजले चिन्ता व्यक्त गरेको छ । आज अस्पताल परिसरमा पत्रकार सम्मेलन गर्दै समाजका सचिव टीकाराम मग्रान्तीले न्यायोचित माग पुरा गर्न सरकारले उदाशीनता देखाएको आरोप लगाउनुभयो ।

अनसनरत मैनालीको स्वास्थ्य अवस्थाका बारेमा बताउँदै बिएन्डसी हस्पिटलका फिजिसियन डा किशोर कुमारले मैनालीलाई आज बिहानबाट ज्वरो आएको, पिसावमा इन्फेक्सन देखापरेको र अस्सिजनको मात्र समेत कम भएकाले तत्काल आइसीयुमा राख्नुपर्ने बताउनुभयो ।

बार्ता टोली गठन

स्वास्थ्य शिक्षा नागरिक सरोकार समाजले सात सदस्यीय वार्ता टोली गठन गरेको छ । राष्ट्रिय मानव अधिकार आयोग, मानव अधिकारवादी सङ्घसंस्था र नागरिक समाजका अगुवाले बार्ता टोली गठन गर्न अनुरोध गरेकाले सात सदस्यीय वार्ता टोली गठन गरिएको समाजले जनाएको छ ।

वार्ता टोलीको संयोजकमा प्रेम नेम्वाङ, रहनुभएको छ । त्यस्तै सदस्यमा डा किशोर कुमार, टीकाराम मग्रान्ती, लालराज सुवेदी, नरमाया मैनाली, राजेन्द्र सापकोटा र टीकाराम नेती रहनुभएको छ ।

स्वास्थ्य शिक्षालाई सर्व सुलभ बनाइनुपर्छ भन्ने मान्यता राख्नुहुने मैनाली नागरिक सरोकार समाज मेचीका उपाध्यक्ष हुनुहुन्छ ।

वि.सं.२०७३ असोज २० बिहीवार ०२:३३ मा प्रकाशित

भीमदत्त राजमार्गमा विस्फोट हुँदा चार जना घाइते

भीमदत्त राजमार्गमा विस्फोट हुँदा चार जना घाइते

सुदूरपश्चिम । धनगढी-डडेलधुरा (भीमदत्त) राजमार्गअन्तर्गत कैलालीको भासुभिर सडक खण्डमा आज...

‘विज्ञान, प्रविधि र नवप्रवर्तनका क्षेत्रमा देखापरेका प्रवृत्ति’ सम्मेलन पोखरामा हुँदै

‘विज्ञान, प्रविधि र नवप्रवर्तनका क्षेत्रमा देखापरेका प्रवृत्ति’ सम्मेलन पोखरामा हुँदै

गण्डकी । वन विज्ञान अध्ययन संस्थान पोखरा क्याम्पस र गण्डकी...

भाषा संरक्षण र विकासमा मन्त्री किरातीको जोड

भाषा संरक्षण र विकासमा मन्त्री किरातीको जोड

काठमाडौँ । संस्कृति, पर्यटन तथा नागरिक उड्डयनमन्त्री सुदन किरातीले भाषा...

एक लाख ५८ हजारभन्दा बढी मुद्दा फछ्र्योट गर्न बाँकी

एक लाख ५८ हजारभन्दा बढी मुद्दा फछ्र्योट गर्न बाँकी

काठमाडौँ । सर्वोच्च अदालतलगायत मातहतका अदालत तथा न्यायाधिकरणमा गरी जम्मा...

बाह्रबिसेमा जिप दुर्घटना हुँदा दुई जनाको मृत्यु, तीन घाइते

बाह्रबिसेमा जिप दुर्घटना हुँदा दुई जनाको मृत्यु, तीन घाइते

सिन्धुपाल्चोक । सिन्धुपाल्चोकको बाह्रबिसेमा आज जिप दुर्घटना हुँदा दुई जनाको...

विश्वकप क्रिकेट लिग दुई : नेपाल नामिबियासँग दुई विकेटले पराजित

विश्वकप क्रिकेट लिग दुई : नेपाल नामिबियासँग दुई विकेटले पराजित

काठमाडौँ । आइसिसी विश्वकप क्रिकेट लिग–२ अन्तर्गत नामिबिया र नेदरल्यान्ड्स...