२ कात्तिक, काठमाडौं । राष्ट्रपति विद्यादेवी भण्डारी र पूर्व राष्ट्रपति रामवरण यादवको सम्धि सम्धिना बन्ने निश्चित भएको छ । राष्ट्रपति भण्डारीकी कान्छी छोरी निशाकुशुम भण्डारी र पूर्वराष्ट्रपति रामवरण यादवका नाति अभिशेष यादवबीच विवाह हुने भएकाले दुई राष्ट्रपति बीच यस्तो नाता जोडिने भएको हो ।
निशाकुशुम भण्डारी र अभिशेष यादवबीच आइतबार बिहेको लागि टिकोटालो भएको छ । राष्ट्रपति निवास शितलनिवासमा भएको टिकोटालो पारिवारिक सहमतिमै भएको बुझिएको छ ।
अहिले टिकोटालो भए पनि उनीहरुको बिहे पनि मागमा हुने पारिवारिक स्रोतले जनाएको छ । निशाकुशुम भण्डारी र अभिशेष यादव स्कुले सहपाठी रहेको र अहिले विवाह बन्धनमा बाँधिन लागेका हुन् ।
