Logo
३० आश्विन २०७८, शनिबार
     Sat Oct 16 2021
E-paper
  English Edition
   Unicode
Logo

‘राष्ट्रिय सुरक्षा र अन्तर्राष्ट्रिय सम्बन्धका विषयमा दलहरुबीच समान मत आवश्यक’



३ कात्तिक, काठमाडौँ । राष्ट्रिय सुरक्षा र अन्तर्राष्ट्रिय सम्बन्धका विषयमा सबै दलबीच समान मत हुनुपर्नेमा मंगलबार यहाँ आयोजित कार्यक्रमका वक्ताहरुले जोड दिएका छन् ।

नेपाल बुद्धिजीवी परिषद्ले मंगलबार यहाँ आयोजना गरेको ‘नेपालको राष्ट्रिय सुरक्षा तथा अन्तर्राष्ट्रिय सम्बन्ध’ विषयक गोष्ठीका वक्ताले आन्तरिक राष्ट्रियतालाई बलियो बनाउनु आजको आवश्यकता भएको बताए ।

सुरक्षा नीति र परराष्ट्र नीतिको विषयमा कुनै पार्टी, वाद, सिद्धान्त र विचारभन्दा माथि उठेर सबैको साझा नीतिका रुपमा समृद्ध गर्नुपर्ने उनीहरुको भनाइ थियो ।

नेकपा (एमाले)का उपाध्यक्ष भीम रावलले यसअघिको केपी ओली नेतृत्वको सरकारको पालामा मन्त्रिपरिषद्बाट राष्ट्रिय सुरक्षा नीति पारित गरी राजपत्रमा समेत प्रकाशित भइसकेको जानकारी दिँदै त्यसमा सबै दलको समर्थन रहेको टिप्पणी गर्नुभयो ।

उहाँले नेपालले संयुक्त राष्ट्रसङ्घको बडापत्र र पञ्चशील सिद्धान्तका आधारमा विदेश नीति तय गर्नुपर्ने जोड दिँदै त्यसबाट दायाँबायाँ जान नहुने बताउनुभयो ।

नेकपा (माओवादी केन्द्र)का प्रवक्ता पम्फा भुसालले राष्ट्र स्वाधीन नबनेसम्म जनता सार्वभौम हुन नसक्ने बताउँदै विगतमा भारतसँग भएका असमान सन्धि, सम्झौताको खारेजी प्रक्रिया अघि बढाउनु अहिलेको आवश्यकता रहेको धारणा राख्नुभयो ।

उहाँले विदेश नीत र सुरक्षा नीतिका विषयमा पार्टीभन्दा माथि उठेर सहकार्य गर्न आफ्नो पार्टी तयार रहेको बताउनुभयो ।

मधेसी जनअधिकार फेरम नेपाल (लोकतान्त्रिक)का सांसद जितेन्द्र देवले नेपालको सुरक्षाको सन्दर्भमा राष्ट्रिय एकता, न्यूनतम सैनिक शक्ति र आर्थिक विकासका तीन विषयलाई एकसाथ लैजानुपर्ने सुझाव दिनुभयो ।

चीनका लागि नेपालका पूर्वराजदूत टङ्क कार्कीले आर्थिक, सामाजिक विकासबाट राष्ट्रिय सुरक्षाको समृद्धि र असल परराष्ट्र नीतिबाट अन्तर्राष्ट्रिय सम्बन्ध मजबुत बनाउनुपर्ने बताउनुभयो ।

परिषद्का अध्यक्ष डा दिनेशचन्द्र देवकोटाले दलबीच सुरक्षा र परराष्ट्र सम्बन्धका विषयमा साझा धारणा बनाउने उद्देश्यले गोष्ठीको आयोजना गरिएको बताउनुभयो ।

कार्यक्रममा परिषदको राष्ट्रिय सुरक्षा तथा अन्तर्राष्ट्रिय अध्ययन केन्द्रका संयोजक विश्लेषक विधान आचार्यले ‘नेपालको राष्ट्रिय सुरक्षा तथा अन्तर्राष्ट्रिय सम्बन्ध’ विषयक कार्यपत्र प्रस्तुत गर्नुभएको थियो ।


यो खबर पढेर तपाईलाई कस्तो महसुस भयो ?

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको

काठमाडौँ । महिला नेतृ सुष्मा राई नेकपा (एकीकृत समाजवादी) को केन्द्रीय समिति सदस्य बनेकी

काठमाडौँ । नेकपा(एकीकृत समाजवादी) पार्टीले सुरेश कार्कीलाई प्रदेश कमिटीको अध्यक्ष बनाएको छ । नेकपा(एकीकृत

काठमाडौँ । कम्युनिष्ट नेता प्रदिप नेपालले नेकपा (एकीकृत समाजवादी) पार्टीमा जिम्मेवारी पाएका छन् ।

काठमाडौं । नेकपा (एकीकृत समाजवादी)ले पार्टीले ३३५ नेताहरुको कार्यविभाजन गरेको छ । पार्टीको असोज