हामी सबैकाे संसारन्यूज

५ असोज, काठमाडौँ । ४ वर्ष बित्दा समेत ९०० मेगाावाटको माथिल्लो कर्णाली जलविद्युत आयोजनामा लगानी जुटाउन भारतीय कम्पनी असफल भएको छ ।

। निर्धारित समयमा पनि लगानी जुटाउन नसकेपछि भारतीय कम्पनी गा्रन्धी माल्लिर्काजुन राव (जीएमआर)ले आयोजनामा लगानी जुटाउने म्याद थप्न बोर्ड समक्ष आवेदन दिएको छ । जीएमआरको म्याद असोज २ गते अर्थात सेप्टेम्बर १८ सम्म थियो । बोर्डका प्रवक्ता उत्तम भक्त वाग्लेले जिएमआरले फेरि पनि एक वर्ष म्याद थप्न आवेदन दिएको बताए । उसको पत्रको अहिले बोर्डको प्राविधिक टिमले अध्ययन गरिरहेको छ । जीएमआरको विषयमा बोर्ड बैठकले निर्णय गर्नुपर्ने भएकाले अहिले नै केही भन्न नसकिने उनले बताए । अब एक महिना पछि बस्ने बोर्ड बैठकमा यस विषयमा छलफल हुने प्रवक्ता वाग्लेले जानकारी दिए ।
२ पटक म्याद थप गर्दा पनि आयोजना बनाउन आवश्यक पर्ने झण्डै १ खर्ब २० अर्ब रुपैयाँ लगानी जुटाउन जीएमआर असफल हुँदै आएको छ । केहि समय अघि माथिल्लो कर्णाली जलविद्युत आयोजनाको ५०० मेगावट विद्युत बंगलादेशले किन्ने सहमति भईसकेको छ ।
तत्कालिन प्रधानमन्त्री शेरबहादुर देउवाको अध्यक्षतामा बसेको लगानी बोर्डको २८ औं बोर्ड बैठकले माथिल्लो कर्णालीका लागि १ वर्ष म्याद थप गरेको थियो ।
सन २०१४ मा भएको आयोजना विकास सम्झौता (पीडीए) अनुसार सन् २०१६ सेप्टेम्बर १८ सम्म लगानी जुटाउनु पर्ने थियो । त्यस अवधिमा पनि लगानी जुटाउन नसकेपछि बोर्डले फेरी १ वर्ष थप गरेको थियो । यस्तै सरकारले वन क्षेत्रको जग्गा उपलब्ध गराउन ढिलाइ गरेको र जग्गा अधिग्रहमा भएको बिलम्बका कारण आयोजनका काममा ढिलाइ भएको भन्दै बोर्डले गत वर्ष कात्तिकमा पनि १ वर्ष म्याद थप गरेको हो । जीएमआरले लगानी जुटाउन समय पाएको ४ वर्ष बितिसकेको छ ।