Sansar News
६ असोज, पेरिस । अति उच्च तापक्रम तथा तातो हावाका कारण फ्रान्समा अहिलेको गर्मी याममा मात्रै १५ सय भन्दा बढीको मृत्यु भएको छ ।
मृत्यु भएका मध्ये अधिकांश जेष्ठ नागरिक रहेको फ्रान्सका स्वास्थ्य मन्त्री अग्नेज बजिनले शुक्रबार जानकारी दिए ।
यद्यपि तातो हावाका कारण यसबर्ष मृत्यु हुनेहरूको संख्या यसअघि सन् २००३ मा मृत्यु हुनेहरूको भन्दा दश गुणा कम भएको समाचारमा जनाइएको छ ।
त्यतिबेला १५ हजारदेखि २० हजारको बीचमा मृत्यु भएको थियो । उनीहरूमध्ये अधिकांश वृद्धवृद्धा र एकल रहेका थिए ।
अहिलेको तथ्याङ्क अपेक्षाकृत नै भएको अधिकारीहरूको भनाई छ । फ्रान्समा औसत तापक्रम २३.२ डिग्री हुनेगरेको छ ।
वि.सं.२०७५ असोज ६ शनिवार १०:०२ मा प्रकाशित
