हामी सबैकाे संसारन्यूज

१२, असोज काठमाडौँ । एसियाली विकास बैंकले २० वटा नगरपालिकामा खानेपानी व्यवस्थापन र सरसफाइमा पहुँच र्पुयाउन १३ अर्ब९१३ करोड अमेरिकी डलर ऋण स्वीकृत गरेको एडीबीको बोर्ड बैठकले यो ऋण सहायता स्वीकृत गरेको एडीबीद्वारा जारी विज्ञप्तिमा जनाइएको छ ।

समुदायद्वारा व्यवस्थापन हुने पानी वितरण र सरसफाइका लागि यो ऋण स्वीकृत गरिएको हो । सन् २०१६ को तथ्यांकअनुसार नेपालमा वितरण भएका ३४ प्रतिशत पानी मात्रै सुरक्षित रहेको र १५ प्रतिशत मात्रै राष्ट्रिय पानी गुणस्तरसम्बन्धी मापदण्डअनुरूप रहेको एडीबीले जनाएको छ । सन् २००० यता एडीबीले सरकारलाई पानी र सरसफाइमा पहुँच र्पुयाउने उद्देश्यले सहयोग गर्दै आएको छ ।

यो ऋण रकमले १ हजार ६ सय किलोमिटर पानी वितरण पाइप मर्मत वा जडानका लागि र १५ वटा पानी प्रशोधन केन्द्र निर्माणमा प्रयोग हुनेछ । यस्ता प्रशोधन केन्द्रको क्षमता दैनिक ६ लाख लिटर पानी प्रशोधन हुने छ ।

यो पूर्वाधारले ६६ हजार परिवारलाई लाभ पुग्ने एडीबीद्वारा जारी विज्ञप्तिमा भनिएको छ । यो रकमबाट ८ हजार शौचालय निर्माण हुनेछन् । तीमध्ये २० वटा सर्वाजनिक शौचालय अपांगता भएका व्यक्तिसहित सबैको पहुँचमा हुने गरी निर्माण गरिने बताइएको छ ।

यीबाहेक २ वटा फोहोर पानी प्रशोधन केन्द्र र ३० किलोमिटर ढल निर्माण हुने एडीबीले जनाएको छ । यो ऋण रकमबाट सञ्चालन हुने हरेक परियोजनामा समुदाय र सरकारले ३० प्रतिशत रकम योगदान गर्नुपर्नेछ ।