Sansar News
१८ असोज, काठमाडौं । पशुपंक्षी प्रतिको सद्व्यवहार, समृद्ध नेपालको आधार’ भन्ने मुल नाराका साथ यसवर्षको विश्व पशुपंक्षी दिवस मनाइदै छ ।
दिवसको अवसर पारेर कृषि तथा पशुपंक्षी विकास मन्त्रालयले सप्ताह व्यापी कार्यक्रम आयोजना गरेको छ ।
मन्त्रालले एक विज्ञप्ति जारी गर्दै पशुपंक्षीले भोक प्यास मेटाउन पाउने स्वतन्त्रताको सम्मान गर्न आग्रह गरेको छ । ‘पशुपंक्षी मानव सभ्यताको अंग भएकोले यीनिहरुले आरामदायी ढंगले जीउन पाउनु पर्दछ ।’ मन्त्रालयद्धारा जारी विज्ञप्तिमा भनिएको छ ।
मानव जीवनमा पशुपंक्षीहरुको उल्लेख्यनीय भुमिका रहने मन्त्रालयले जनाएको छ । मन्त्रालयले पशुपंक्षी कल्याणको कामलाई प्रभावकारी बनाउन पशुपंक्षी कल्याण ऐनको खाचो रहेको समेत बताएको छ ।
वि.सं.२०७५ असोज १८ बिहीवार ०८:०६ मा प्रकाशित
