Sansar News
२२ असोज, काठमाडौँ । सत्तारुढ दल नेपाल कम्युनिष्ट पार्टी (नेकपा) को सचिवालय बैठक प्रधानमन्त्री निवास वालुवाटारमा बसिरहेको छ । पछिल्लो समय पार्टीमा देखिएको असन्तुष्टि साथै सरकारका कामको समिक्षा लगाएतका विषयमा छलफल गर्न बैठक बसेको हो ।
आजको बैठकले स्थायी कमिटीको मिति र एजेण्डा तय गर्ने बताईएको छ । यस्तै गत असोज ५ गते बसेको सचिवालय बैठकले प्रदेश पदाधिकारीको टुङ्गो लगाएपनि वरिष्ठ नेता माधवकुमार नेपाल र नारायणकाजी श्रेष्ठले असन्तुष्टि जनाईसकेका छन् । नेताद्वय नेपाल र श्रेष्ठ विदेशमा रहँदा प्रदेश पदाधिकारी टुंगाएको भन्दै उनीहरुले प्रदेश पदाधिकारी चयन नमान्ने बताउदै आएका छन् । ती विषयमा समेत आजको बैठकमा छलफल हुने एक नेताले जानकारी दिए ।
वि.सं.२०७५ असोज २२ सोमवार १०:१६ मा प्रकाशित
