Sansar News
२९ असोज, काठमाडौं । ३८ क्विन्टल सुन तस्करी तथा सनम शाक्य हत्या मुद्दाका एक मुख्य अभियुक्त बेनु श्रेष्ठलाई नेपाल प्रहरीले संयुक्त अरब इमिरेट्स (युएई) बाट पक्रेर ल्याएको छ । श्रेष्ठलाई आइतबार नेपाल ल्याइएको पनि आजको नयाँपत्रिका दैनिकमा समाचार छ ।
अन्तराष्ट्रिय प्रहरी संगठन (इन्टरपोल) ले रेड नोटिस जारी गरेका श्रेष्ठलाई लामो प्रयासपछि पक्राउ गरेर ल्याउन प्रहरी सफल भएको हो ।
श्रेष्ठलाई जिल्ला प्रहरी कार्यालय मोरङमा पठाइने केन्द्रीय प्रहरी प्रवक्ता डिआइजी शैलेश थापा क्षेत्रीले बताएका छन् ।
वि.सं.२०७५ असोज २९ सोमवार ०७:३१ मा प्रकाशित
