हामी सबैकाे संसारन्यूज

११ असोज, काठमाडौँ । नेपाल विद्युत प्राधिकरण, तनहुँ वितरण केन्द्रका अधिकांश कर्मचारी झिसमिसेमै कार्यालय पुग्छन् । तर, काम गर्न होईन, ओभर टाईमबापतको थप भत्ता लिन बिआन ७ बजे नै हाजिर हुने गरेको पाईएको छ ।

यतिसम्मकी बिदाको दिन झन धेरै कर्मचारी हुन्छन् । यसको उदाहरण हो, दशैँ बिदा । तर, विद्युतका कर्मचारीले अष्टमी, नवमी, विजादशमीको दिनमा समेत कार्यालय पुगेर हाजिर गरेका छन् । बिहानै अफिस आउछँन, हाजिर गर्छन र घर फर्किन्छन्, एक कर्मचारीले भने । ओभरटाईम बापतको थप भत्ता लिन विद्युतका कर्मचारीको रुटिन बनेको छ ।
प्राधिकरण तनहुँ वितरण केन्द्रका प्रमुख शिवनारायण गोश्लीले डियुटीभन्दा अन्य बेलामा अतिरिक्त हाजिर गरे ओटी नदिने बताए । दशैं विदामा मात्रै होईज अन्य विदामा पनि कर्मचारीले हाजिर गरेको पाईएको छ । कर्मचारीलाई नियमित हाजिर गराउन २५ मंसिरदेखी विद्युतीय हाजिरीको व्यवस्था गरिएको हो । तर, यसले कर्मचारीलाई काम नगरी अतिरिक्ति भत्ता लिन सजिलो भएको छ ।