हामी सबैकाे संसारन्यूज

१४ कात्तिक, काठमाडौं । थवाङ राचिवाङका किसान अहिले दंग छन् । विश्वमै दुर्लभ तथा बहुमुल्य मानिने ‘ट्रफल’ च्याउका बिरुवा हुर्कदै गरेकाले उनीहरु खुसी भएका हुन् । ‘यो जातको च्यास मूल्यवान् हुन्छ भन्ने सुनेका छौं, उत्पादन सुरु भएपछि निक्कै कमाइ हुन्छ होला,’ स्थानीय राजकुमार रोकामगरले भने ।

रोका मगरका अनुसार सात वर्षअघि थवाङको एक हेक्टर जग्गामा रोपिएका चार सय ३५ मध्ये अहिले दुई सय बिरुवा हुर्किरहेका छन् । यी बिरुवा बेलायतबाट ल्याइएका हुन् । बैज्ञानिक नाम ‘कोरिलस ऐभेलाना’ भएको ‘ट्रफल’ च्याउको विश्व बजारमा अत्यधिक मूल्य पर्ने भएकाले यसलाई ‘ब्लाक डायमण्ड’ भनेर पनि चिनिन्छ । राम्रो खालको ‘ट्रफल च्याउ’ प्रतिकेजी ५ हजार अमेरिकी डलर (५ लाख रुपैयाँ भन्दा बढी) सम्ममा विक्रि हुने यससम्बन्धी अनुसन्धानको अगुवाई गरिरहेका त्रिभुवन विश्वविद्यायल, बायो टेक्नोलोजी विभागका सहप्रध्यापक डा. गिरीराज त्रिपाठी बताउँछन् । आजको नागरिक दैनिकमा समाचार छ ।