हामी सबैकाे संसारन्यूज

१६ कात्तिक, काठमाडौं । कञ्चनपुरकी बालिका निर्मला पन्तको बलात्कारपछिको हत्या घटनाको सयदिन हुँदा पनि प्रहरी अभियुक्तको नजिक पुग्न सकेको छैन । अनुसन्धानका सुरुवाती चरणमा प्रमाण नष्ट हुँदा अभियुक्त पत्ता लाग्न नसेको प्रहरी अधिकारीहरुले बताएका छन् । अनुसन्धानमा लापरवाही गरेको भन्दै गृहमन्त्रालयले तत्कालीन एसपी डिल्लीराज विष्ट र इन्सपेक्टर जगदिश भट्टलाई सेवाबाट हटाउने निर्णय गरिसकेको छ । अन्य केही प्रहरीलाई कारबाहीको तयारी भइरहेको छ । चरम लापरवाही गर्ने प्रहरीलाई कारबाही त भएको छ, तर पीडितको मूल प्रश्न (अभियुक्त खोइ ?) को कुनै जवाफ दिन सकेको छैन । समय वित्दै जाँदा प्रहरी अनुसन्धानमा थप प्रश्न उठ्दै गएका छन् । आजको नयाँपत्रिका दैनिकबाट