हामी सबैकाे संसारन्यूज

२८ मंसिर, काठमाडौं । सन् २०२० मा बीस लाख पर्यटक भित्राउने घोषणासहित भ्रमण वर्षको तयारीमा जुटिरहेको नेपालको पर्यटन क्षेत्रका लागि खुसीको खबर छ । पर्यटक आगमनको संख्यामा नेपालले एउटा कोशेढुंगा पार गरेको आजको गोरखापत्र दैनिकमा समाचार छ ।

अध्यागमन विभागका अनुसार सन् २०१८ को एघार महिनामै दश लाख भन्दा बढी पर्यटकले नेपाल भ्रमण गरेका छन् । अघिल्लो वर्ष नै दशलाख पर्यटन भित्राउने घोषणा गरिए पनि यसवर्ष मात्र नेपाल सफल भएको हो ।

विभागका अनुसार नोभेम्बरसम्म १० लाख एक हजार ९३० जना विदेशी पर्यटक नेपाल आएका छन् । यो संख्या अघिल्लो वर्षको नोभेम्बरको तुलनामा १७ प्रतिशतले बढी हो । पर्यटक आगमनको कुल संख्या मध्ये यस वर्षको अटोबर र नोभेम्बरमा स्थलमार्ग हुँदै भित्रनेको संख्या भने गणना गरिएको छैन ।