८ कात्तिक,काठमाडौँ । ऊर्जामन्त्री जनार्दन शर्माले प्रधानमन्त्री पुष्पकमल दाहाल नेतृत्वको वर्तमान सरकार कुनै हालतमा नढल्ने बताउनुभएको छ ।
रिपोर्टर्स क्लबमा आज आयोजित साक्षात्कार कार्यक्रममा उहाँले भन्नुभयो – “अख्तियार दुरुपयोग अनुसन्धान आयोग प्रमुख लोकमानसिंह कार्कीविरुद्धको महाअभियोग मुद्दा संवैधानिक व्यवस्थाअनुसार विधिसम्मत प्रारम्भ भएको हो, यसको सत्ता गठबन्धन वा सरकार ढल्नेसँग कुनै सम्बन्ध छैन ।”
मन्त्री शर्माले महाअभियोगको प्रस्ताव माओवादी केन्द्रले नै अघि सारेको स्पष्टपार्दै एमाले अध्यक्ष केपी शर्मा ओली, काँग्रेस सभापति शेरवहादुर देउवा र प्रधानमन्त्री पुष्पकमल दाहालबीचको छलफलपछि यो प्रस्ताव ल्याइएको र यसबारे तीन नेताबीच निरन्तर छलफल भइरहेको जानकारी दिनुभयो ।
उहाँले प्रमुख लोकमानसिंह कार्की पदको दुरुपयोग गरी सबैलाई त्रसित बनाएको र समानान्तर सरकार सञ्चालन गर्न खोजेकाले महाअभियोग लगाउनुपरेको स्पष्ट पार्नुभयो । रासस
