Logo
१० कार्तिक २०७८, बुधबार
     Wed Oct 27 2021
E-paper
  English Edition
   Unicode
Logo

परिणाम आउने गरी काम गर्न सचिवहरुलाई प्रधानमन्त्रीको निर्देशन



pm-direction-to-secretary

९ काठमाडौं, कार्तिक । प्रधानमन्त्री पुष्पकमल दाहाल ‘प्रचण्ड’ले काठमाडौं, ललितपुर र भक्तपुरको विकास एवं प्रशासन सञ्चालनमा एकीकृत र समन्वयात्मक काम गर्न निर्देशन दिनुभएको छ ।
सोमबार दिउँसो प्रधानमन्त्री तथा मन्त्रिपरिषद्को कार्यालय सिंहदरबारमा भौतिक योजना तथा निर्माण, स्थानीय विकास, उर्जा, खानेपानी, अर्थ, गृह लगायतका मन्त्रालयका सचिव र सम्वद्ध अधिकारीहरुको संयुक्त बैठलाई निर्देशन दिँदै प्रधानमन्त्रीले एकीकृत र समन्वयात्मक रुपमा काम गरेर परिणाम निस्कने गरी काम गर्न निर्देशन दिनुभएको हो । प्रधानमन्त्रीले भन्नुभयो, ‘हामी सबैले काम गरेका छौं । तर, हाम्रो काममा समन्वय छैन । खानेपानीले गरेको काम विद्युतलाई थाहा हुँदैन, भौतिक मन्त्रालयले गरेको काम स्थानीय विकासलाई थाहा हुँदैन । यसरी परिणाम निकाल्न सकिँदैन । तसर्थ, एकीकृत र समन्वयात्मक रुपमा काम गरेर परिणाम निकाल्नुस् ।’
बैठकमा प्रधानमन्त्रीले गैरकानुनी राज्यले कानुनी राज्य कमजोर बनाएको भन्दै त्यसलाई चिर्न नयाँ संकल्प जरुरी भएको बताउनुभयो । प्रधानमन्त्रीले भन्नुभयो, ‘म यसो विचार गर्छु, हामो कानुनी राज्यमाथि गैरकानुनी राज्यको दवाव छ, इमान्दारहरुमाथि तरबार झुण्डिएको महशुस हुन्छ । केही काम गर्न खोज्यो कि विभिन्न खालका अवरोध र दवाव आउँछ । तर, हामीले देशलाई केही दिने संकल्प गर्नैपर्छ । त्यसका लागि दृढ संकल्पका साथ कानुनी राज्य बलियो बनाउन लागौं । सरकार त्यसका लागि आवश्यक पर्ने कानुनी व्यवस्था गर्न तयार छ । हामीले देशलाई साक्षी राखेर केही परिणाम निकालौं ।’
बैठकमा प्रधानमन्त्रीले उपत्यकाको ट्राफिक व्यवस्था सहज बनाउन, सडकमा खाल्डाखुल्डी नराख्न, विद्युत्, खानेपानी, सडक लगायतका पूर्वाधार निर्माणमा समन्वय गरेर काम गर्न निर्देशन दिनुभएको छ । बैठकमा भौतिक योजना तथा यातायात मन्त्री रमेश लेखक, स्थानीय विकास मन्त्री हितराज पाण्डे, प्रधानमन्त्री कार्यालय र विभिन्न मन्त्रालयका सचिवहरु, सुरक्षा अंगका अधिकारीहरु लगायतको उपस्थिति रहेको प्रधानमन्त्रीको निजी वेवसाइटमा प्रकाशित गरिएको छ ।


यो खबर पढेर तपाईलाई कस्तो महसुस भयो ?

काठमाडौँ । बीस महिनापछि नेपाली कामदार दक्षिण कोरिया जाने भएका छन् । लामो समयदेखि

काठमाडौं । यातायात व्यवस्था विभागले मंगलबारदेखि सवारी चालक अनुमति पत्र (लाइसेन्स)को नयाँ आवेदन खुलाएको

दिल्ली । अश्लिल फिल्म बनाएर विदेशमा बेचेको आरोपमा पक्राउ परेका आफ्ना पतिलाई छुटाउनका लागि

काठमाडौं । गत आर्थिक वर्ष २०७७/०७८ मा आफ्नो निर्देशन उल्लंघन गर्ने विभिन्न आठ वाणिज्य