हामी सबैकाे संसारन्यूज

नेपाली काँग्रेस कालीकोटले आयोजना गरेका आम सभालाई सम्बोधन गर्दै मन्त्री थानीले कर्णालीका जनतालाई खाद्यान्नमा आत्मनिर्भर बनाउने योजना बनाएको बताउँदै खाद्यान्न भन्दा पनि उत्पादनमुखी कार्यक्रम अहिलेको आवश्यकत्ता भएको धारणा राख्नु भयो ।
मन्त्री थानीले कर्णालीमा स्थानीय उत्पादन वृद्धि गर्ने कार्यक्रम ल्याउनु पर्नेमा जोड दिनु भयो ।

अर्काे प्रशङ्गमा उहाँले सरकारले संसद्, प्रदेश र स्थानीय निकायको निर्वाचनका लागि सबै प्रक्रिया पूरा गरेको बताउनुभयो ।

त्यसैगरी नेपाली काँग्रेसका पूर्व महामन्त्री प्रकाशमान सिंहले लोकमानसिंह कार्कीको बारेमा संसद्मा पेस भएको महाअभियोगका बारेमा संसद्को नीति, लोकतन्त्रको मूल्य र मान्यताका आधारमा जनताका पक्षमा उचित निर्णय लिइने बताउनुभएको छ ।

नेता सिंहले कार्यकर्तालाई निर्देशन दिँदै अब हुने गाँउपालिकाको स्थानीय निकायको निर्वाचनका लागि अहिलेदेखि तयारी गर्न आग्रह गर्नु भयो । रासस