Logo
३ माघ २०७८, सोमबार
     Mon Jan 17 2022
E-paper
  English Edition
   Unicode
Logo

रुख कटानीको स्वीकृतिपछि कलेज निर्माणको बाटो खुल्यो



११ कात्तिक ,धनगढी । रुख कटानीको आदेशपछि कैलाली जिल्लाको साविक गेटा गाविस (हाल अत्तरिया नपा)मा मेडिकल कलेज निर्माणसम्बन्धी पूर्वाधारको निर्माणको बाटो खुलेको छ ।

कलेजको भोगाधिकारमा रहेको जग्गाका रुख वन मन्त्रालयले यही कात्तिकबाट कटान गर्ने आदेश दिएपछि रुख कटानको काम सुरु भएको मेडिकल कलेज पूर्वाधार निर्माण विकास समितिका कार्यकारी निर्देशक हेमराज पुजाराले बताउनुभयो ।

यसअघिसम्म रुख कटानको आदेश नहुँदा भौतिक पूर्वाधार निर्माणसम्बन्धी काम अघि बढ्न सकेको थिएन । यद्यपि सरकारले छुट्याएको ५१.८ हेक्टर क्षेत्रफलको जग्गा कलेजको भोगाधिकारमा आएपछि उक्त जग्गाको तारबार, नक्साङ्कनलगायतका काम पूरा गरिएको छ ।

उक्त जग्गामा रहेका ४५३ वटा रुख काट्ने आदेश दिएसँगै भौतिक पूर्वाधारको काम अगाडि बढाउन बाटो खुलेको हो । वातावरण प्रभाव मूल्याङ्कन (इआइए) हुन नसक्दा रुख कटानीको आदेश पनि ढिलो गरी आएको बताइएको छ ।

“मेडिकल कलेज निर्माण क्षेत्रमा रुख काट्ने काम सुरु भइसकेको छ, समितिका कार्यकारी निर्देशक पुजाराले भन्नुभयो – जग्गा पूरै खाली भएपछि तत्काल ३०० श्ययाको अस्पताल र कलेज भवनको निर्माण अघि बढाउन प्रक्रिया सुरु भइसकेको छ ।”

सार्वजनिक खरिद ऐन नियमावलीमा सरकारले संशोधन गरेको र नियमावली ननिस्किसकेकाले अस्पताल र कलेज भवनको निर्माणको लागि ठेक्का दिने काममा केही ढिलाइ भइरहेको उहाँले बताउनुभयो ।

सरकारले गेटा मेडिकल कलेजको पूर्वाधार निर्माणका लागि चालु आवमा रु ५० करोड विनियोजन गरेको छ ।

विसं २०६६मा तत्कालीन सरकारले गेटामा मेडिकल कलेज स्थापनाको घोषणा गरेको थियो । रासस


यो खबर पढेर तपाईलाई कस्तो महसुस भयो ?

काठमाडौं । काठमाडौंबाट पोखराका लागि उडेको गुण एयरलाइन्सको जहाजको ढोका अचानक आकाशमै खुलेपछि काठमाडौं

बुटवल । यातायात व्यवस्था कार्यालय सवारी चालक अनुमति पत्र रुपन्देही कार्यालयले ड्राइभिङ लाइसेन्स चालक

लालबहादुर ढेंगा, दुबई, युएई । राहदानी बिभागले हाल बिद्युतीय राहदानी (भ(एबककउयचत) जारी गर्ने कार्यको

काठमाडौं । विभिन्न चार बैंकबाट ८० करोड रुपैयाँ ऋण निकालेर मदिरा व्यवसायी गरेको एक