हामी सबैकाे संसारन्यूज

१० फागुन, काठमाडौं । सांगठनिक एकताका लागि पुस १३ गते गठन भएको कार्यदलले अन्तिम प्रतिवेदन नबुझाउँदै भंग गरिएको छ ।

सोमबार बसेको नेकपाको बैठकमा कार्यदलले पार्टी एकताको विवादित विषयलाई थाति राखेर प्रतिवेदन बुझाएको थियो । सोहि प्रतिवेदनमाथि विहिबार देखि छलफल चलेपनि
शुक्रबारको सचिवालय बैठकले उक्त कार्यदल भंग गरेको बताइएको छ ।

विहिबारदेखी सुरु भएको उक्त छलफलमा कार्यदलका संयोजक रहेका राम बहादुर थापा ‘बादल’ ले थप एकसाताको समय माग गरेका थिए । कार्यदललका अन्य सदस्य समेत यसमा सहमत भएको अवस्थामा पार्टी अध्यक्ष प्रधानमन्त्री केपी शर्मा ओलीले विहिबार नै कार्यदल भंग गर्ने मनसाय राखेपछि शुक्रबार कार्यदल भंग गर्दै शिर्ष नेता रहेको सचिवालयले नै सांगठनिक एकताको प्रस्ताव तयार गरेर स्थायी कमिटीमा पेश गर्ने बताइएको छ ।
पार्टी प्रवक्ता नारायणकाजी श्रेष्ठले एकताको प्रस्ताव अब सचिवालयले नै तयार गर्ने र स्थायी समितिमा पेश गर्ने बताएका छन् ।

पटक–पटक सचिवालयको दवाव परेपछि कार्यदलले काम सक्न हतार, कार्यदलमानै विवाद तथा एकले अर्काको चित्त बुझाउन नसक्दा संयोजक थापालाई नै अप्ठ्यारो परेको कुरा बाहिर आएका थिए ।