हामी सबैकाे संसारन्यूज

१४ फागुन, काठमाडौं । अमेरिकाले नेपाललाई महत्वपूर्ण साझेदार मुलुक भनेको छ । दक्षिण तथा दक्षिण पूर्वि एसिया मामिला सम्बन्धी अमेरिकी उपसहायक रक्षामन्त्री जोसेफ एच फेल्टरले यस क्षेत्रकै महत्वपूर्ण साझेदारका रुपमा नेपाललाई लिएको बताएका छन् । विश्व शान्तिका लागि नेपालले निर्वाह गरेको भूमिकाले झन् निकट रहेर सहकार्य गर्न उत्साहित रहेको उनको भनाई छ ।
‘हामीलाई मित्र मुलुकको आवस्यकता छ । नेपाललाई पनि हामी आवस्यक छौं । कुन–कुन स्थानमा चाहिन्छ भन्ने स्पष्ट पारेर अघि बढ्नुपर्छ । हामी द्धिपक्षीय ठूला साझेदार हौं ।’ अमेरिकी राजदूत निवासमा उनले पत्रकारसँग भने, ‘सार्वभौम मुलुक निर्णयका लागि सधै स्वतन्त्र रहन्छ हाम्रो भ्रमण र सहकार्य पनि अघि बढेको छ ।’
भेनेजुयला प्रकरणमा सत्तारुढ नेकपाले अमेरिकी कदमको आलोचना गरेपछि अमेरिका असन्तुष्ट देखिएको थियो । त्यसपछि फेल्टर नेपाल भ्रमणमा आएका हुन् । यसअघि एसिया–प्यासेफिक कमाण्ड प्रमुख नेपाल आएका थिए । मंगलबारको अन्नपूर्ण पोस्ट दैनिकमा चन्द्रशेखर अधिकारीले लेखेका छन् ।