हामी सबैकाे संसारन्यूज

१४ फागुन, काठमाडौ । कांग्रेस केन्द्रीय कार्यालयको परिसरमै आइतबार भ्रातृ संस्था नेविसंघको दुई खेमाका नेता कार्यकर्ता आपसमै भिडे ।

झगडा साम्य पार्न प्रहरी आएर लाठीचार्ज गर्नुपर्यो । तर, केन्द्रीय समीति बैठक बस्ने तयारीमा रहेका माउ पार्टीका नेताहरु दोस्रो तलाबाट रमिता हेरेर मात्रै बसे । झगडा मिलाउन आँगनमा झर्ने आँटसमेत गरेनन् ।

झडप शान्त भएपछि नेविसंघका नेता कार्यकर्तालाई पार्टी कार्यालय प्रवेशमा रोक लागाइयो । तर, त्यसपछि बसेको केन्द्रीय समीति बैठकमा आँगनमै मच्चिएको तण्डपबारे छलफलसमेत भएन । बोल्न खोज्ने नेताहरुलाइ पनि सभापति शेरबहादुर देउवाले रुलिङ गरेर बस्न लगाए । मंलबारको नयाँ पत्रिका दैनिकमा रमेश सापकोटाले लेखेका छन् ।