हामी सबैकाे संसारन्यूज

१७ फागुन, काठमाडौं । ताप्लेजुङमा बुधबार भएको हेलिकप्टर दुर्घटनामा निधन भएका यति एयरलाईन्सका प्रबन्ध निर्देशक आङछिरीङ शेर्पाको शोकमा यी वायु सेवाले शुक्रबार (आज) का सबै उडान रद्द गरेका छन् ।
शेर्पाको सम्मनमा एकदिनको लागि यती र तारा एयरका सबै उडान रद्द गर्ने निर्णय गरिएको यी एयरलाईन्सका सञ्चार अधिकृत तथा वरिष्ठ प्रबन्धक भीमराज राईले जानकारी दिएका छन् ।
नेपाली हवाई उड्डयनको अग्रणी वायुसेवा कम्पनी तारा र यतीका दैनिक ६० वटा उडान छन् । सबै उडान एकदिनका लागि बन्द गर्ने र एयरलाईन्स सञ्चालक शेर्पाको सम्मान गरिने हुँदा यात्रुलाई परेको असुविधालाई क्षमा दिन पनि तारा र यती दुवैका वायुसेवाले अनुरोध गरेका छन् । शुक्रबारको अन्नपूर्णपोस्टमा राजु बास्कोटाले लेखेका छन् ।