हामी सबैकाे संसारन्यूज

२१ फागुन, कास्की । प्याराग्लाइडिङ दुर्घटनामा विदेशी पाइलटको मृत्यु भएको चौबीस घण्टा नबित्दै कास्कीमा सोमबार दुईवटा दुर्घटना भएका छन् । पोखरानजिकै छुट्टाछुट्टै स्थानमा भएका दुर्घटनामा एक प्यारालाइलट घाइते भएका छन् ।

मछापुच्छे गाउँपालिका ९ ठाँटीमा पोल्यान्डका ३७ वर्षीय जानुज क्यारल मनदी गाउँपालिका ७ छाचोकमा रसियाका ६३ वर्षीय इगलिज यागुदिन दुर्घटनामा परेका हुन् । प्रहरीका अनुसार ग्याइडर अनियन्त्रित भएर विजुलीको तारमा खस्दा करेन्ट लागेर क्यारल घाइते भएका हुन् । करेन्ट लागेपछि भुइँमा पछारीएका उनलाई गाउँलेले यद्धार गरेका थिए । उनको हातमा चोट लागेकाले उपचारका लागि मणिपाल शिक्षण अस्पताल भर्ना गरिएको छ ।
छाचोकमा ग्लाइडर खसेर रुखमा अल्झिएका यागुदिनलाई गाउँलेले २ घण्टापछि सकुशल उद्धार गरेका छन् । मंगलबारको कान्तिपुर दैनिक बाट ।