हामी सबैकाे संसारन्यूज

२७ फागुन, काठमाडौं । प्रदेश नम्बर ५ को जिल्ला अस्पतालमा रुई र सुई नभएको समाचार आएपछि सांसदले यस विषयमा प्रश्न उठाएका छन् ।
प्रदेश नं ५ की सासंद तारा जिसीले प्रदेश ५ को प्रदेशसभा बैठकमा सरकारी अस्पतालमा उपचारका लागि आवस्यक औषधि र सेवा नभएको प्रश्न उठाएकी हुन् ।
उनले संसदमा सम्बोधन गर्दै मन्त्रीहरुले ५ नम्बर प्रदेश समृद्धिमा अगाडि बढेको भनिरहेको बेला त्यस्तो नेदखिएको भन्दै प्रदेशसभामा बोलेकी हुन् । उनले भनिन्, ‘सभामुख महोदय, विभिन्न कार्यक्रममा मन्त्रीज्यूहरुले ५ नम्बर प्रदेश आर्थिक समृद्धितिर अगाडि बढिरहेको छ भन्नहुन्छ, तर हामीले त्यस्तो देखेका छैनौं । यहाँहरुलाई उदाहरण दिउँ पाल्पाको हस्पिटलमा रुई र सुई एक वर्ष सम्म पुगेको छैन । हस्पिटलमा बिभिन्न ठाउँबाट बिरामी आउछन् । तर, रुई र सुई समेत नदिँदा तिनीहरुले सहजरुपमा सुविधा उपलब्ध गराउन सकेका छैनन् । गुल्मी लगायतका कयौ अस्पतालमा एम्बुलेन्स समेत छैन । बिरामी परेमा सरकारी एम्बुलेन्स नहुँदा व्यक्तिगत रुपमा विरामी अस्पताल पुग्नुपर्ने अवस्था छ, के यहि हो सरकारले ल्याएको समृद्धि ? सोमबारको नयाँपत्रिका दैनिकबाट